حلقات مسلسل (اول دمعه)

[!سمسمه!]

بسم الله الرحمان الرحيم
اللهم صلي على محمد وال محمد
مسلسل اول دمعه

:a63:الحلقه الاولى :a63:

يحكى في قديم الزمان ..


في تاريخ الممالك العظام ..
تروى القصة بنتظام..
أبطالها أعضاءٌ كرام..
فيهم القلب يهام..
واجهوا الصعاب ..
وقسوة الأيام..
فصمدوا .. وأصبحوا أعلام..
ومن لم نذكره هنا..
تجده الآن في المنام ..
غائصا في الاحلام...


نعم .. هذه المملكة الكبيرة التي عاشت في عصر الممالك القديمة تقريبا قبل الميلاد بآلاف السنين ..
وكانت تنعم بحضارة قوية فاقة غيرها من الحضارات .. وتنعم بهناء العيش الذي تفتقده الكثير من الممالك .. وتميزت بالأمان والرخاء والعدل بين الناس ...


وفي يوم من الايام .....
قرر الامير سحر العشق بان يتزوج ..
وفي صبيحه ذلك اليوم خرج الى حديقة القصر
قاعد يتمشى بحماره شاف شجرة اللوز واشتهى لوزه منها قام واتشبلى عليها .. شاف لوزه حمرا تغري جا يقطعها الا الوزغه ركبت على رجوله .. قام يصارخ ومن الفزع .
.
.

سقط ارضا
.
الا مايشوف الا وحده جميله عواينها زرقان شعرها اسود ناعم ..لكن
.
.
.
ثيابها مهرهره حالتهم حاله ..
سالها : وش جيبش حديقتنا &يطلع من عيونه الشرار
قالت له والغبنه فيها : اني شفت شجره اللوز وجيت بقطع ليي لوز
فرح الامير سحر العشق :102:من داخله
وسالها وش اسمش: قالت :a34:سمسمه
عطاها اللوزه الي قطعها مع ان نفسه فيها
قال ليها يلا ارجعي بيتكم
طلعت سمسمه من الحديقه
راح سحر العشق لحقها بالسكته وهو يلحقها شافه (عديل الروح)>هدا صديق سحر العشق
قال له وش قاعد تسوي تلاحق بنات الناس عصب سحر العشق قال له : تخسي انا الاحق بنات الناس
قال له عديل الروح ويش مابتروح وياي للشله : قال له انت روح وانا جاي وراك
المهم راح عديل الروح وكمل سحر العسق مسيرته وراء سمسمه وهي تطلع في اللوزه وتتبسم
وصلت سمسمه لبيتهم وسحر بعده وراها
دخلت سمسه البيت ورجع سحر العشق للشله وهو باله ويه سمسمه
وسمسمه داخله شافتها ختها الصغيره (المحبه) وش عندش قالت : مالش شغل
دخلت سمسمه غرفتهم وقعدت على سريرها و
.
.
.
.
التكمله في الحلقه المقبله
ارجو ان تنال اعجابكم

[!سمسمه!]

بسم الله الرحمان الرحيم
اللهم صلي على محمد وال محمد
:a63: الحلقه الثانيه :a63:
:102:

دخلت سمسمه غرفتهم وقعدت على سريرها وهي تطلع في اللوزه
ماتشوف الا وحده طابه عليها (فاتنه) هذي صديقة سمسمه الحميمه دخلت بدون طقطق والسلام عليكم
نهبت من سمسمه اللوزه وعلى طول بتاكلها قالت سمسمه: لااااااااااااااااااااااااااااااااااااااااااا
قالت فاتنه : بللللللللللللللللل كل دا بخل قالت ليها سمسمه :لا بس دي اللوزه عزيزه على قلبي
غمزت فاتنه وقالت : يلا علمينا وش سالفة هاللوزه قالت سمسمه : شفت شجرة لوز يجيت بقطع ليي ماشفت الا واحد في وجهي عطاني اللوزه ما اعرف اسمه ولا من هو
قالت فاتنه في قلبها : خخخخخخخخخخ امحق دا حب قالت سمسمه وش فيش ساكته يلا اعطيني رايش
قالت فاتنه : شكلش خرفتي بلا خرابيط علينا عصبت سمسمه :b004: وقالت لفاتنه قومي نطلع بدل هالقعده
قالت فاتنه شرايش نروح لشلة المرح قالت سمسمه يلاااااا
وطلعو ركييييييييييض كانهم رقيه وسبيشه
وهم يتراكضوا الا فاتنه
طااااااااااااااااااااااااااااااااااااااااااااااخ
.
.
.
صقعت في وجه سحر العشق
سحر العشق: داويش :b009: ماتشوفييييييييييييييييييييييييي
من قوة الصقعه سحر ما شاف من الي معاها
كملوا طريقهم وفاتنه تتحرطم :يزمخ ويقول ليي ماتشوفي هو الي مايشوف
وسمسمه ساكته ولا كلمه فاتنه : وانتين وش فيش بعد
قالت سمسمه : الله يغربلش هدا هو الي عطاني اللوزه
قالت فاتنه : ويشششششششششششششش مادورتي تحبي الا دا (تفكر سمسمه تدري عنه ان هو امير الفريق) قالت سمسمه : يلا بدينا الغيره مالش شغل فيي
المهم وصلوا الى الشله ومتجمعين في بيت (دلوعه ويحق لي ) قالت دلوعه تفضلوا تفضلوا سمسمه ماجبتي اختش الصغيره المحبه قالت لا لان كنا زهقانين وجينا بالسريع وصارت لنا سوالف بعد وحنا جايين لوكانت ويانا كان فضحتنا في الفريق كله قالت يلا البنات يستنوكم..دخلو ديوانيتهم
نعود الى سحر العشق
بعد الصقعه العالميه الي خلت جبهته فيها لمبه خضرا رجع بيتهم عشان يحط ثلج عليها
وهو راجع شافه ابوه الامير الكبير (اول دمعه) مسكه من اذونه وانت كله في الشوارع وكله شباق ويه لصبان شوف جبهتك وش صار فيها انت فشلتنا في هالفريق الكل تشابق وياه .. وانتون طبعا تعرفوا نصائح الاباء.....دخله البيت يلا روح اسبح واقعد داكر صرت طولي وانت ناقع اربع سنين في نفس الصف
وجت ام سحر العشق ال هي
.
.
.
.
بقولكم في الحلقه الثالثه ترقبوها
ملاحضه : ارجو عدم الزعل لان هذه قصه من وحي الخيال للفرفشه بس
والي يبغى يشارك في القصه يقول لي
ارجو ان تنال اعجابكم

[!سمسمه!]

بسم الله الرحمن الرحيم

اللهم صلي على محمد وال محمد

:a63: الحلقه الثالثه :a63:

:102:

]جت ام سحر العشق الي هي (ريحانه)

قالت ريحانه :هاااااا سحر وش فيها جبهتك قال سحر : هذي وحده كانها صاروخ صقعتني

قالت ريحانه : يلا روح اسبح واني بروح بيت جارتنا (ملكة الهموم والاحزان) اتصلت لي مادري وش فيها كله حزينه وبس

قال اول دمعه :شه انتين افتح قلبك من احد يتصل لش بتروحي له

قالت ريحانه: انت حاط دوبك ودوبي يلا مع السلامه

راح سحر سبح واتزبط ورش العطور وفوح البخور وصار كشخه ( يحق له امير ) المهم نعود للشله

المكونه من (ام ولايه ودمعة حزن و.....) في بيت دلوعه ويق لي

دخلت فاتنه وسمسمه بيت دلوعه وقالت سمسمه: وين الباقي قالت فاتنه : اول سلمي وتالي اسالي قالت سمسمه : زيييين شحوالكم وين الباقي

قالت ام ولايه : راحوا عرس في الفريق الى جنبنا في بيت ام جعفر

قالت ( دمعه حزن) : شرايكم نروح

قالت ام ولايه : أي نبغى نروح

قالت فاتنه : مافي امل اروح الحين جايه ركيض وصقعت بعد منروح الليل احسن

قالت سمسمه : احنا وهالصقعه الى يشوف جبهته طابوقه كان زين لو صقعتي

قالت فاتنه : الله الله اسكتي بس ماني قادرة جوعانه حدي .

قالت دلوعه : ماحد مسك ايدش الاكل قدامش الشله ماصدقوا على الله شافوا قدامهم اكل لا وبعد وهم يشاهدوا ماروكوا وتحلى القعده خلص الاكل وماروكوا ماخلص

المهم جى وقت الصلاه والكل بيروح بيته قالت دلوعه : قعدوا صلوا هني عشان نروح العرس جميع

قالت ام ولايه أي احسن

المهم خلصوا الصلاه ( ماشاء الله عليهم ) وجابت دلوعه عدتها وعدة خواتها ( سشوار ومكياج و ..... الخ ) يالله كل وحده تعدل الثانيه عشان نخلص بدري وسمسمه بعد ما يحتاج قمر 14 ( وينك عنها ياسحر ) سندريلا مو سمسمه المهم خلصوا وانطلقوا للعرس وصلوا بيت ام جعفر والجهال متجمعين على ديك الغرشه يطبلوا (تفشخت من الطق مسكينه )

طقطق طقطق وردات وزهور وريحتهم عطر والعنبر يفوح يامحلى من ظهر طقطق طقطق

والا بدخلة الشله هجولوا الجهال واخدوا الغرشه من عندهم وكل وحده بنعالها

قالت دمعة حزن : انتون طبلوا واني برقص قالوا : يالله

طقطق طقطق يلا رقصه رقصه يلا هلا هلا طقطق طقطق

وهي ترقص الرقصه العالميه وطول العرس وهم يطبلوا ويغنوا

والى بجية ام عيسى ببياعتها وترمس الصبعبلي

الشله انهلكت من الطق وتحتاج الى مشروب الطاقه صبعبلي ام عيسى وقاموا واشتروا ليهم الى تبيع 2 بريال

قالت فاتنه : ام عيسى تبع غلاء الاسعار توها امس تبيع 4 بريال يالله خلينا نروح بيوتنا ( راحوا بيوتهم وكل وحده وصلت الثانيه لكن بيت سمسمه ابعد واحد) ضلت سمسمه تمشي لوحدها ..

ضل صبعبلي واحد قالت سمسمه : يالله باوديه الى اختي الصغيرة المحبه وهي تمشي وتتلوح بالصبعبلي ماتشوف الى قدام وجهها سحر العشق وهو طالع كششخه يتبسم في وجهها ويطلع في الصبعبلي

ابتسمت في وجها ومدت عليه الصبعبلي وراحت انطلاقا الى المنزل الى الباب مقفل تسلقت سمسمه فوق الطوف ماتشوف الا صوت منهو الى فوق الطوف

قالت سمسمه : اني قال يالله انزلي بلى بلاسه بفتح الش الباب فتح الباب الى هو

.

.

.

.

.

.

.

ابو سمسمه ( ........... ) يالله

في الحلقه الرابعه بتعرفوا من ....

[!سمسمه!]

بسم الله الرحمن الرحيم
اللهم صلي على محمد وال محمد
:a63: الحلقه الرابعه :a63:
:102:
نزلت سمسمه من فوق الطوف وفح ابو سمسمه الباب الي هو (وليد)وقال :وش فيش جايه متاخره قالت سمسمه:لان كنا في المعاريس وتونا مخلصين طق ورجعنا
قال ابوسمسمه وليد: وش مصبغه وجهش يالله دخلي دخلت سمسمه بيتهم الا اختها الصغيره المحبه تقول : الله الله وش هالحلاوه طالعه قمر وش جبتي لي من العرس
سمسمه: ماجبت شي قالت المحبه : بل خووووووش اخت ماتذكرني ولا في حبة بيدانه صحيييح ماقلت لش امير الفريق الي جنبنا مسوي غدا حق ولده بمناسبة عيد ميلاده لا وبعد يدورو ليه مره يبغوا يخطبوا ليه
قالت سمسمه: والله فراغه ماعندهم سالفه يدورو له اي وحده ويخطبوها
بس فيها غدا يعني عيوش وضرب بالخمسه بسال الشله كان بيروحو .. اتصلت سمسمه لفاتنه
تووووووووووت توووووووووووووت تتتتتتتتتتتتتتتوت سمسمه: الوووووووووووووو
رفعته اخت فاتنه الصغيره (مشمشه):الووووووووووووو سمسمه: وين فاتنه
مشمشه : انتين من سمسمه: مالش دخل روحي نادي على فاتنه تصقع اللقافه مشمشه: (بصوت مرتفع يقض الاذون)فـــــــــــاتنننننننننننننننننننننننننننه فـــــــــااااااااااااااااااااااااااتننننننننننننن نننننننننننننننننننننه فــــــاااااااتتتتتتتتتتتتتتتتتتننننننننننننه وصمخ
فاتنه: هااااااااااااااااااااااااااااااااااااااااااااااااا ااااا ويش تبغي هالصراخ
مشمشه :تعالي في وحده شابقتني تبغاش في التلفون جت فاتنه (طراخ فوق راش مشمشه): داقه سوالف بعد ويه صديقتي
الووووووو سمسمه: هلا فاتنه هداويش بكلعة الروح نادت عليش اختش هداره وملقوفه المهم بكره بيت امير فريقكم مسوي غدا بتروحي ؟؟؟ فاتنه:مادري وانتين بتروحي
سمسمه: اني ادا بتروحي باروح ترى في عيوش وضرب بالخمسه فاتنه:الله صحيح عجل باروح يلا دقي على البنات قولي ليهم زيييين
سمسمه: يلا بس ثاني مره مو تخلي اختش ترفعه مره ثانيه وادا شفتها بصقعها كف
فاتنه: زين زين يلا مع السلامه المهم اتصلت فاتنه للبنات وكل وحده بتروح مع خواتها وامها
في صبيحة اليوم التالي اجتمعت العائله الكريمه على الفطور الام والاب والابنتين والاخ الاكبر قالت ام سمسمه :الي هي (صوت الرايه):لاتاكلو واجد وراكم غدا دسم
يلا سمسمه جهزي اكبر صفريه عندنا في البيت على شان ناخد غدا حق بكره بعد غدا كبير مايتفوت لو يمدينا اخدنا حق اسبوع
جائت وقت الظهيره وسمسمه والاخت الصغيره المحبه والام صوت الرايه متجهزين للانطلاق قالت الام صوت الرايه للاخ الاكبر (بطل مقدام )يالله احمل الصفريه على شان نحط لك وروح وديه البيت
وهم يمشوا مع لهيب الشمس الحارق حط بطل مقدام الصفريه فوق راسه يضلل بها ووصلو بيت الامير وشافو قدور العيش اوووووووووووووووه سال اللعاب من الجوع ..حطوا ليهم وعبو الصفريه لاخرشي وبطل مقدام موقادر يحملها قام يغافص على نفسه لحد ما وصل بيتهم
المهم دخلو بيت الامير (كانهم حوش بني قحافه) جلسو مع بقيه الشله مع اهلهم وهم يحشوفي فلانه وعلانه
جى وقت الغدى وبعد ماقصرو حطو الموز والبرتقال .....الخ
تغدوا وخلصو وجت الاميره ريحانه قعدت ويه النسوان سوالف وضحك واناسات ومع السوالف نعست المحبه ونامت الحين وش يشيلها
يبغى لها قاري قالت ريحانه ولا يهمش الحين يجي ولدي يشقلها
وجى الامير سحر العشق وشاف سمسمه معاهم داخل البيت
:a72:
سحر : اماااااااااااااااه اريدها
؟
؟
؟
؟
؟
؟
؟
؟
؟؟؟
خليها للحلقه الخامسه
ودمتم سالمين

[!سمسمه!]

بسم الله الرحمن الرحيم

اللهم صلي على محمد وال محمد
:a63: الحلقه الخامسه :a63:


:102:



في نهايه الحلقه الرابعه نامت المحبه وبيت سمسمه بعيد ولا في امل تقعد قالت ريحانه : ولا يهمكم الحين يجي ولدي يشقلها عنكم ...راحت ريحانه تنادي على ولدها وجا سحر شاف سمسمه

وقال : اماااااااااااااااااااااااااه اريدها قالت له ريحانه : وش الي تبغاه قال سحر العشق : هااااااااا لا لا مو شي

المهم حاول سحر العشق يحمل المحبه ماقدر ترافس وتعافس وطراق مني وكف وبكس مناك

ولا جدوى من المحاوله ... شدخ بها سحر العشق وقعدت اخيرا وقالت المحبه : هييي وش صاير ( المسكينه ماتدري عن الدنيا) تفشلت ام سمسمه قالت يلا قومي فشلتينا ويا الناس ...قاموا وطلعو من بيت الامير والمحبه تمشي وسمسمه وامها يسحبو فيها لحد ما وصلوا البيت بعناء شديد

وفي اليوم التالي .. جلست الاميره ريحانه مع ابنها سحر العشق .. وهم جالسين يتكلموا عن الغدى وش صار فيه قالت ريحانه : ياولدي شفت بنات واجد كلهم حليوين والصراحه احترت اختار لك أي منهم شفت وحده اسمها دلوعه ويحق لي وشفت فاتنه وام ولايه ومشمشه وغرور الورد وفروحه سحر قاطعها في كلامها وقال : حشى لميتي بنات فريقنا والفريق الي جنبنا قالت ريحانه : الصراحه كلهم حليوين احترت بينهم قال سحر : خلاص هونت ما ابغى اعرس ريحانه : يؤؤؤؤؤؤؤؤؤؤ حقويش اني ابغى افرح فيك عصب سحر وادا عصب مايعرف امه ولا ابوه : خلاااااااااااص قلت لش ما ابغى اعرس وخلاص ولا تفتحي وياي السالفه انا زهقان

ريحانه تقول في قلبها : يؤؤؤ شكله الولد عشقان يابعد قلبي يلا خيرته يجي من نفسه يقول ليي

طلع سحر من البيت ومزاجه متعكر وهو يفكر الحين كيف انا اول لها دي : وهو يمشي في الطريق ويفكر:a52: وتكتك

الا صدفه لقى سمسمه رايحه بيت (غرور الورد) بتودي لهم هريسه واخيرا التقو وجها لوجه وسحر طاير من الفرحه وش هالصدفه وهي تمشي راح مشى جنبها قال لها شخبارش قالت روح لاحد يشوفنا ويسوو لينا سالفه قالت له وش اسمك قال سحر قالت سمسمه قالت يعني انت الامير الصغير اني توني اعرفك ... ومع السوالف مانتبهو للطريق قال لها خلينا نقعد نسولف قالت ماعليه بس لا اتاخر تالي امي تتهوس عليي لان قالت اودي هريسه بيت غرور الورد قال ليها : هريسه انا احب الهريسه بضوقها قالت له سمسمه تفضل المهم سحر ما صدق على الله اكلها ثلاثه ارباعها (عن حساب تضويقه بس) تالي قال يلا خليني اكملها حلوان التعارف اكلها وقحص الصحن كله مابقى ولا نقطه قالت سمسمه تاخرت يلا بروح بيتنا قال لها ماعرفت اسمش كامل قالت له : سمسمه بنت سمسم بن سمسوم ال سماسم

المهم مرت الايام وكل فتره يلتقوا مع بعض في زرنوق خرابة ام جعفر

وسمسمه كل مره تعطي سحر حاجه مره رهش مره حلوى و....الخ

وهناك في الزرنوق في شجره قديمه نقش عليها سحر اسم سمسمه



http://up101.arabsh.com/my/067d14c.jpg

وفي يوم انتبهو ليهم صبيان فريقهم ابو( ياسين وحلم شاعر) وبقيه الشله وانتشر الخبر في الفريق

وانتقل للفريق الثاني يوم عرف ابو سمسمه بالسالفه

.

.

.

.

.

انتظروا ردة فعل ابو سمسمه في الحلقه السادسه

[!سمسمه!]

بسم الله الرحمن الرحيم
اللهم صلي على محمد وال محمد
:a63: الحلقه السادسه والاخيره :a63:
:102:

عرف ابو سمسسمه باخبر وكانت سمسمه ماتدري عن شي (مسكينه ياغافلين لكم الله ) كانت في غرفتها تقرا قصه دخل ابو سمسمه وهو معصب
اختلعت سمسمه وش صاير ابو سمسمه : وتساليني وش صاير مسكها من حلقها وسمسمه مو عارفه تتنفس هو من الخوف وهو من الخنقه قال لها ابو سمسمه : بكرا عرسش على ولد عمش ولا تتكلمي اي كلمه ورمى فيها على الارض وضلت سمسمه تصيح مو مصدقه الخبر كانه خيال
المهم وانتشر الخبر بزواج سمسمه بولد عمها وصارت سمسمه حديث الفريق مافي احد الا يعرف سالفتها جت ام سمسمه وهي منذهله من الي يصير
بس خافت تتكلم ويصير لها سالفه كبيره المهم وصل الخبر لسحر العشق سحر مو عارف وش يسوي بس خلاص فات الفوت وشافهم وهم يركبوا الزينه
قعد يتمشى في الطريق الناس فرحانه وهو حزين وصل لبيت سمسمه ولم يتحمل المنظر ونزلت (اول دمعه) من دموع سحر العشق
رجع البيت وشافته امه ريحانه : وش فيك سحر اول مره اشوفك كدا وسحر ساكت ولا يرد باي كلمه دخل غرفته وقفل عليه الباب
وساد الظلام وسحر مو عارف وش يسوي طلع من غرفته وحمل معاه مسدس حق ابوه راح فريق بيت سمسمه وهو متخفي وصوت الاغاني لنهاية الفريق
والشله كلها متجمعه في بيت سمسمه متعدلين ومستانسي ومتشوقين لشوفة سمسمه وهي بكامل جمالها لكن سمسمه مو قادره تقاوم من لصياح ولبست الفسان الابيض وتحس كانه فستان حزن مو فرح وهي تتذكر كل لحضه مرة مع سحر العشق ومعاها
طلعت سمسمه لناس حتى ابتسامه ما فيها .. وحده تقول ما شاء الله عليها جميله والثانيه تقول لويش مو مبتسمه والثالثه تقول مادريتي بسالفتها
وكل وحده تقول حاجه والشله مستنكرين وش فيها سمسمه مو فرحانه ليلة عرسها تذكرت فاتنه كلام سمسمه بس ما قالت لاحد
راحت حضنت سمسمه وما تمالكت نفسها وقعدت تصيح قالت لها فاتنه خلاص مو تصيحي الليله فرحتش خلاص انسي
لكن القلب وما يهوى المهم وفاتنه واقفه مع سمسمه شافتها اوتار الحب وقالت لملكة الهموم والحزن شرايش فيها مو حليوه له قالت ملكه اي والله قمر قالت اوتار بس وش اسمها قالت ملكه : اسمها فاتنه خلاص بكره نروح نخطبها لولدش الشامخ قالت اوتار خلاص اتفقنا ... ..
وسحر يشوف المعازيم من بعيد وفيه حسره في قلبه مو عارف وش يسوي المهم طلعو لرجال يزفوا المعرس وهم يمشو ودوه بيت سمسمه وطلعت سمسمه
على شان يروحو بيتهم طلعت سمسمه وولد عمها مسك ايدها انتبهت سمسمه لسحر قامت تصيح بصوت عالي سحر ماشاف نفسه الا موجه المسدس على ولد عمه
واطلق الرصاصه بس
.
..
.
.
.
.
.
.
.
.
.
.
.
.
.
.
.
.
.
.
صابت الرصاصه سمسمه وماتت سمسمه
.
.
.
.
.
..
.
.
.
.
.
.
..
.
.
.
.
.
.

.
قعدت سمسمه من النوم وهي مفزوعه وقالت : الحمد لله كان حلم
يؤؤؤؤؤؤؤؤ بقوم اروح عرس صديقتي فاتنه تاخرت وبمر على الشله بعد راحت عليي نومه

وهذه قصة سمسمه مع الامير سحر العشق
:102::a34:
ان شاء الله تنال اعجابكم مع تحيات

[KaKa]

خوووووش قصحة طويلة لكنها
جميلة صاروخ وحب وشبقه وعفسات
لكن القصه رووووعة اختي / !سمسمة!/
جزاكي الله خير الله يعطيش الصحة والعافية
الله لا يحرمنا منش وتقبلي خالص تحياتي
KaKa22

[أول دمعة]

لقد استمتعنا كثيرا بهذه القصة الرائعة والمتميزة والفكاهية

لقد ابدعتي ولا زلتي مبدعة وننتظر جديدك قريبا ان شاء الله

بالتوفيق سمسمة

[ابومهدي]

خوووش قصة .. استمتعت بها
نبي مثل هالقصص الفكاهية و الرومنسية

أخي /سمسمه
اشكركـِ على الابداع في الكتابه
الله يعطيكـِ العافيهـ
نتظر جديدكـِ
تقبلي مروري ..
أبــو م ــهدي

[^*(رووح)*^]

مشكور اختي
على الموضوع
ننتظر جديدك
تحياتي رووح

[!سمسمه!]

الله يسلمكم حبايبي
لوما تشجيعكم ماقدمنا شي حلو

[اجننك بدلعي]

يسلموو على القصه الرائعه والفكاهيه

الله يعطيك العافيه ولا يحرمنا من جديدك

تحياتي لك

[!سمسمه!]

الله يسلمش مشكوره على المرور

[ღ شـ ج ـون فـاطـمـة ღ]

مشكورة سمسومة على القصة
بس ما احاجيش ما دخلتيني وياكم في القصة
هههههههههههههههه
تحياتي ..

[!سمسمه!]

مشكووووووووووره بنوته
بس اني يوم اخلص القصه كنتي بعدش ماتسجلي ان شاء الله عن قريب
اسوي لكم شي جديد

[الكون يفداني]

لقد استمتعنا كثيرآ بهذهـ القصة الرائعة والمتميزة والفكاهية

لقــــــــد ابدع ـــتي يالـ غ ــلآآ

يـ ع ـطيك الله الــــــــف ع ـافيهـ

مـ ح ـبتي ..}.

[!سمسمه!]

الله يسلمكم كلكم
مشكورين على المرور الرائع

[زهور مخمليه]

ماشاء الله عليكِ ياسمسه
مبدعه
بصراحه القصه مره حلوه ومسليه
مشكورة

[أنـيـن القمر]

حقاً قصة رااائعة جدا جدا ........
تسلمين سمسمه على القصة الروعهـ .........
حقاً خيالكـ واسع و حلو...........
الله لا يحرمنا من جديدكـ يالغالية ...........
موقفهـ ......

[عاشقة السيد]

مشكورة على القصة الرائعة
موفقة أنشاء الله........

[ضحكات طفله]

يسسسسلموووا ياسمسمه القصه حلووه واستمنعنا بقراءتها....

تحياتي

ضحكات طفله.

[كفايه جروح]

يسسسسسسسسسسًلمووٍٍ

سمسمومه على القصه تجننُُ الله يعطُيشً الفُ عافيهُ

[أميره بس فقيره]

مشكوره اختي على الموضوع
جدا رائع
انشا الله نرى جديدك

[الوديعه]

موضوع حلو انتظر
منك موضوع اخر
ياليت اكون قصير

[العاشقة الحزينة]

حليوة بس واجد طويلة
على كل الاحوال مشكورة
يسلمو عالمرور
الله يعطيك العافية
ننطدر الجديد منكي

[كفايه جروح]

يسسسسًلمو للمرا الثانيه

هذي اقصر روايه قريتها اني اقرا اطووووووووووواااااااااال فوق 1000 صفحه ع,ــالوورد روايه مو قصه هع هع


المرا الجايه ان شاء الله تكون اطول من كَـذاآ


تقبلي مروري

[عاشقة الحسنين]

خوووووش قصحة طويلة لكنها
جميلة صاروخ وحب وشبقه وعفسات
لكن القصه رووووعة

[{~بنوته كوول~}]

مشكووووووووورة ع اللابداع الحلو
القصة في غايه الرووووووووووووووووعة
مشكوووووووووووووووووووووورة
تحياتي

[مشتاقه لحنانكـ]

واااااااااااااااو بصراحه استمتعت بالقصه اني محب اقرأ قصص بس دي قريتها كلها بجد حلوووه
اشكر من يلي كتبها بصراحه ابدداااااااااااع
ربي يعطيك العافيه
نتظر جديدك بكل شووق :deeiaar-29ed3fce71:

[..* انـــ الورد ـــثى ..*]

والله خوش قصة

[نور البتول]

شـكــ وبارك الله فيك ـــرا لك ... لك مني أجمل تحية .

[سواد الليل]

قصة امتعتني
قصة جداً جميلة حلووة وفكاهية
شكراً لكِ اختي سمسمة على القصة الفكاهية