م ق/ رواية : مذكرات شاب طموح / .. عرض واقعي للحياة // قصص حقيقية [الأرشيف]

وح ــي الخياال

12-03-2008, 02:47 PM

رواية
** مذكرات شاب طموح **

مقدمة ..
قاسم لم يحضى بولادة كاملة فقد وضعته أمه في شهره الثامن
حتى أنه حرم أمه من القرأه والبكاء على مصيبة الحسين (عليه السلام)
خرج إلى الحياة في ثاني يوم من محرم الحرام معلناً بذلك أنه تضجر من مكوثه
الطويل في كيس ولادته ...
منذ ولادته والكل يشعره بعقدة النقص عن باقي أقرانه ممن هم في نفس عمره
فهو نحيل جداً .. وأصغر من حجمه الطبيعي بأشواط ...
منذ ذلك الحين أعلن تمرده على الحياة .. فهو يرى بأنه طفل مميز عن باقي
أقرانه, يتمتع بذاكرة صلبة وقوية وكأنها تعوضه ذلك النقص الجسدي
ويقال أن لديه روح مرحة تجذب إليها كل من يقترب منها وكأنها لعنة
في ذلك الطفل ... فهو يسبق من في عمرة في الذكاء والوعي بكثير إلا أن
ذلك لم يمنعه من أن يعيش طفولته كما يريد ... الكثير من اللعب واللهو
والمغامرات الخطرة أحياناً ...
لم يكمل عامه الرابع بعد حتى فقد والده الذي كان متعلقاً به بشكل كبير
لم يشعر بذلك فهو لايعي بعد .. ألم الفراق الطويل ..
أما أخيه أحمد الذي يكبره بسنتين فعلم بذلك الفراق وبكى لأجله أشد البكاء
أنتقلت الأم مع أطفالها, الذين كان أكبرهم لم يبلغ سن المراهقة بعد للعيش
بالقرب من والد الأم ليحمي هذه العائله ويرعاها, عندها بدأت ..
المعانات والظلم والحياة القاسية بفتح حساب لهذه العائلة المنكوبة الذي
لم يقفل بعد .. أستمرت الأم في الدفاع عن أبنائها , بكل ما تملك من طاقة
وذكاء بارز, ونذرت نفسها وحياتها لهم .. فقط لأبنائها ...
أما أحمد فقرر أن يرعى قاسم ويهتم بشئونه .. ويكون له الأخ والصديق الوفي
عندها بدأت فصول الحياة المختلفة للقاسم, كانا كتوئم , بل أكثر , يتشاركان في كل شيئ
ويتشاطران الماء والتمر وخبز الأحلام والطموح معاً .. بصفاء وسكينة , وإثار متبادل ,,,,

----------------------------

بسم الله الرحمن الرحيم

الفصل الأول

الأحساء - التويثير 1411 هـ

جرح الزمن

12-03-2008, 03:27 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟

لي عودة بعد اكمال القصة

تقبل خالص تحييااتي

وح ــي الخياال

12-03-2008, 05:13 PM

الفصل الأول :

الأحساء - التويثير
1411 هـ

1/1

- قاسم سمعت شقلت لك ؟ لا تنسى

- زين .. زين يما

- أروح بيت جدي وأقوله أمي تبيك .. مر علينا اليوم

- وشوف لا أوصيك .. عمتك ،، مرت أبوي لا تسمعكم .. بعدين تمنعه يجي

- خلاص يما فهمت .. و ماراح أكلمه وخوالي موجودين ..

- ياله روح .. وإذا عمتك ,, مرت أبوي, سألتك عن أي شي .. قول " ما أدري وما أعرف"

- قاسم تعال ... ولا تتأخر عندهم تكون موجود في البيت قبل ما يتأخر الوقت

- خلاص يما .. كل هالكلام حافظة صم مثل مايقول المثل ,, عن ظهر علم .

- لا لا .. ياولد أسمها " عن ظهر قلب"

- هههه أمزح معاش يما

- روح الله يقربل إبليسك .. ياله روح .. آآه منك من ولد

ذهب قاسم وهو يترنح في مشيته .. ويحمل مايرى على الأرض من أعواد
وأخشاب ويتخير منها .. وأثناء مشيه

- خالي محمد هلا

- قويسم .. وين بتروح

- ها ,, ممم بجي لكم .. زهقان قلت أمر عليكم

- أها خلاص أجل تعال معانا بنروح الجمعية بنشتري لنا شوية أشيا

- أيه يلا مشينا

- هاذي جمعية القارة .. يوووو بقالة كبيرة أكيد فيها كل الألعاب

- هههه هاذا الي ما عمره شاف خير .. هاذي جمعية ماب بقالة كبيرة

- قويسم خذ البسكوت ألي عند خالك آدم .. وأنا بعطيك كيكة

- خالي محمد خالي آدم مو راضي يعطيني البسكوت .. يقول أول أخذ الكيكة من خالك محمد

- عيد , عيد ويش قلت (مو راضي) صج أن كلامكم يضحك يالهفوفيين

- طيب عدال أنتو وش تقولو (يالقروية) هههه

- أي .. ليش ضربتني خالي محمد "أنا أمزح معاك"

- تطنز على خالك الي أكبر منك يا خبل

- مافي فرق بيني وبينك إلا سنتين ... خخخ

- " تأخرت على الي وصتني أمي عليه يووو ألحين بتصرخ علي"
ياله خلونا نمشي .. أنا تعبت

ذهب الجميع .. وصلو إلى بيت الجد .. وجلسو على عتبة الباب ليرتاحو قليلاً

- قاسم تعال يا ولدي ,, سلم وعط جدك بوسة

- جدي أمي تقولك مر علينا اليوم .. بعد صلاة العشا تبقاك

- طيب ويش تبي أمك .. خير

- مادري قالت لي " تعال يا وليدي, روح لجدك وقوله أمي تبيك ضروري"

- الله يقربلك ياقاسم من ولد .. لا تقلد أمك .. بعدين تضربك

- أنت لا تقولها عاد .. هذا بيني وبينك مزح .. بعدين تفكر أني أتطنز عليها

- ههههه الله يقربل إبليسك .. خلاص روح اللعب مع خوالك

- قاسم لا تنسى تعطي جدك بوسة قبل ما تمشي

- لا لا بس مرة وحدة في اليوم

- شتقول !! أكيد أمك الي وصتك

- لا لا بس علشان ماتخلص البوسات

- ههههه الله يقربلك .. روح شكلك تبي تجيب لي جلطة من الضحك ..

- قاسم تعال تعال .. خذ هالحلاوة .. وقول لي أمك شحقى طرشتك ..

- ها عمتي ,, صج أنش أطيب من أمي , عطيني كاكو بعد

- خذ هذا كاكو .. تعودت عليك .. ياله قول شحقى طرشتك أمك

- طرشتني .. مممم ,, علشان ألعب مع خوالي

- الله يقربلك ما ينإخذ منك حق ولا باطل

- أخ لو أنك تعلم خوالك هالبقران

- لا لا عمتي لا تقولي يمهم كذا , بعدين يضربوني

- زين أمك وينها ألحين في البيت

- ما أدري عنها .. أنا طلعت من زمان

يتبع ..

وح ــي الخياال

12-03-2008, 05:16 PM

:
:

قاسم يحدث نفسه

- تأخرت على البيت وطريق النخيل الحين ظلم وأنا أخاف
بس أمي بتعصب علي خلني أمشي .. وإذا مريت في الظلمة أقول بسم الله

- خالي محمد أبي أروح البيت .. وصلني إلى الطريق المسفر وأنا أكمل

- لا خلك نام معانا اليوم .. وبكرى روح الصباح

- لا لا ما أقدر أنام اهنا .. أمي تنتظرني

- خلاص أجل روح لحالك في الظلمة؟

- تفكرني أخاف من الظلمة .. أنا بروح ألحين ..

ذهب قاسم والخوف يملئ قلبه .. ورجليه تهتز كسعفة النخل من الخوف
وعندما وصل إلى الطريق المظلم .. ركض وركض بلا شعور حتى وصل البيت

- انشاءالله يكون أحمد جالس ويسمع الحصى على النافذة ..

- وش فيه مايرد .. شكله نام .. أنا وصيته لاينام .. ألحين أمي بتصوت علي
خلني أخذ حصى كبيرة علشان يسمع .
يووو يووو شكلي كسرة النافذة .. أخيراً فتح النافذة

- وأنت هاذي عادتك كل مرة تجي متأخر .. وتصقع النافذة بالحصى وأنا نايم
ألحين بفتح لك الباب

- أحمد لا تخلي أحد يحس فيك وأنت تنزل وتفتح الباب

- زين زين .. كلهم نامو .. من الي جالس لك ألحين

تلقت أحمد أمه بالقرب من الباب .. قالت له أنا سوف أختبئ خلف الباب
وأنت أفتح الباب .. حتى لا يهرب قاسم إلى بيت جده إذا رأني

- أحمد أفتح الباب بسرعة .. وين رحت

- هذا أنا أفتح صيخ الباب .. أصبر شوي

- ها أحمد مافي أحد

- أيه تعال مافي أحد .. تعبتني وخوفتني عليك .. أمته بتعقل من هالحركات .. ما توب

- يما !! خوفتيني .. شفيش متلبده ورى الباب .. خلاص أخر مرة مابعيدها

- كل مرة تقول أخر مرة .. وبعدين ترجع وتسويها .. تعبتني .. ترى خوالك وعمتك مايحبونك

- خلاص يمه ..أأه تعبان أبي أنام .. بكرى يحلها ألف حلال

- أحمد ليش ماقلت لي أن أمي ورى الباب

- أهي قالت لي لا تتكلم .. وقلت خلك ساكت علشان أنت ماتنحاش مثل كل مرة

- أها .. تعرف أنا أفكر في ويش .. والله هاذي الأم عجيبة

- ياله تصبح على خير .. أنا تعبان .. وروعة الظلمة في قلبي من مساعة

- قاسم .. تعال بقولك .. سمعت جدي يتكلم مع أمي عنك

- قاسم ؟ قاسم ؟ نمت .. أجل بكرى الوعد .. وأنت من أهل الخير

دلع

12-03-2008, 06:23 PM

قصة جدا رائعة استمتعت بقرائتها
وننتظر البقية على احر من الجمر
ونشكر مبدعنا الاخ وحي الخيال عليها

تحياتي لك ...

وح ــي الخياال

12-03-2008, 06:58 PM

سلااااام ..
:
:
جرح الزمن
دلع

تشكرون على مروركم ..
وانشاءالله تعجبكم .. باقي الرواية
أتمنى أنها تكون خفيفة عليكم ..

الكاتب
وح ــي الخياال ...

منبع الحكمه

12-04-2008, 11:59 AM

بسم الله الرحمن الرحيم
ياحلاتها هالرواايه اتوقع قريبه من شخصيتك هههه
تجنن ننتظر البقيه
سلملم

وح ــي الخياال

12-04-2008, 12:37 PM

بسم الله الرحمن الرحيم
ياحلاتها هالرواايه اتوقع قريبه من شخصيتك هههه
تجنن ننتظر البقيه
سلملم

أهلن فيكـِ .. منبع الحكمة
لا تتوقعين شي .. :a41:
انشاءالله .. تنال أعجابكم باقي الأحداث
حياكـ

ابومهدي

12-04-2008, 02:59 PM

بسم الله الرحمن الرحيم
اللهم صل على محمد وآل محمد و عجل فرجهم يا كريم

أختي / وحي خياال

يالله على الرواية الجميلة ..
يلااا نكملها وبعدين نحكمـ عليها
تقبل مروري المتواضع .. أبومهدي

وح ــي الخياال

12-04-2008, 06:02 PM

بسم الله الرحمن الرحيم
اللهم صل على محمد وآل محمد و عجل فرجهم يا كريم

أختي / وحي خياال

يالله على الرواية الجميلة ..
يلااا نكملها وبعدين نحكمـ عليها
تقبل مروري المتواضع .. أبومهدي

أهلاً فيك .. أبو مهدي
كلك ذوق والله
انشاءالله تعجبكم .. وأي ملاحظات
أكون شاكر لكم ..
أخوكم ...

وح ــي الخياال ...

وح ــي الخياال

12-04-2008, 06:14 PM

- أحمد ؟ .. أحمد ؟ قوم يما أفطر .. علشان تروح المدرسة .. جلس قاسم معاك

- آه آه , قاسم أجلس ؟ .. قوم أفطر

- يوووه .. ليش أفطر أنا ماعندي مدرسة ,, روح أنت

- أحمد .. وين قاسم ؟ .. ماجلستا يفطر

- جلستا بس مو راضي يجلس , يقول ماعندي مدرسة

- لا مو زين له نومة الشمس , مثل كل مرة .. لازم أروح أجلسه بنفسي

- قاسم ؟ .. قاسم ؟ قوم يما .. أفطر مع أخوانك .. علشان ما تأخرهم على مدارسهم

- ها يما .. والله تعبان .. خليهم يفطرون ويروحون علشان مايتأخرون

- أجلس يالله ..؟ قوم أفطر وبعدين كمل نومك

- هذا أنا جلست .. شوفيني قمت .. آه . آه

- قويسم وجع ؟ وينك أكيد رجع نام مرة ثانية

- هذا أنا جالس بس كأني قفيت شوي .. خلاص بغسل وبجيكم

- يالله يعيال .. سمو بسم الله قبل ما تاكلو .. قويسم أكل باليمين .. أبركلك

- زين يما .. زين .. من جلست ونتي كل قويسم .. وقويسم ..! هذا صالح مايفطر معانا .. يفطر في البوفيه مع ربعة .. وماتقولي له شي

- ما عليك منه هذا أخوك الكبير .. ولا تتكلم عنه بهالطريقة .. أحترمة

- " أها .. توش شاريا له سيكل صتي 18 يلمع .. وأنا ما راضيه تعطيني عشرين علشان أشتري لعبة منبولي من الجمعية "

- يالله خلصتو .. قمو لمدارسكم .. علشان ما تتأخرون .." الله يحفظكم " .. ركزو في الشرح وشاركو في الحصة
يما محمد وصل خواتك مدارسهم معاك

- يما هذي مدارسهم عند البيت .. ماله لزمة أوصلهم .. بتأخر على المدرسة

- لا ما يصير ياوليدي .. ودهم وروح مدرستك

- خلاص .. انشاءالله يما

- وين راح اقويسم الملعون .. قويسم؟ .. قويسم .. وصمخ

- ها يما قلتي لي أفطر ونام .. هذا أنا سمعت كلامش ..

- حسبي الله عليك من ولد .. قوم أشتر حليب لخوك طالب .. صدري نشف ومابقى حليب في البيت .. وأخوك جالس يصيح من مساعة .. خذ هاذي العلبة جيب مثلها

- زين يما .. هذا أنا قمت .. وين الفلوس ..

- يوووه لا تحطهم في هافك بعدين يطيحون ..

- ما يطيحون الستك يعص عليهم .. وأنا قلت لكم أشترو لي سروال أبو سحاب .. ما شريتو

- خلك ماسكهم في يدك أحسن .. لا يطيحون مثل 500 الي ضيعتها

ذهب قاسم وأشترى الحليب لأخيه .. ورجع مسرعاً إلى البيت ليرتمي في أحضان سريره

:
:

وح ــي الخياال

12-04-2008, 06:30 PM

1/2

أنقضى الصباح وقاسم يغط في نوم عميق .. وحان وقت رجوع الأخوان ..

- السلام عليكم يما .. ما رجعو لعيال .. ترى أحنا جايعين

- هلا يما .. كل شي جاهز .. أنتظري أخوانك يجون .. يما زينب روحو حطو شناطكم وبدلو .. على ماتصلون يكون أخوانك أوصلو

- يما .. يما أحمد ما رجع من المدرسة .. أبيه ضروري

- ويش تبي منه بعد ياقويسم .. لعبة من ألاعيبك بعد

- السلام .. يما جايعين و أخواني وراي حطي الغدا يالله (صالح الأخ الكبير)

- انشاءالله .. من عيوني يما

- ها أحمد جا .. تعال أحمد قول لي وش صار أمس أمي مع جدي

- طيب خل أرتاح وأتغدا أول .. وبعدين أقولك .. خذ ود الشنطة الغرفة

- لو أدري ما سألتك .. يالله هذا أنا حصلت لنفسي شغله

أكل الجميع وذهبوا ليرتاحوا قليلاً .. كلاً في داره .. أما قاسم فكان في انتظار أحمد

- ها تعال قول السالفة .. على قولت أمي " من طق طق إلى سلام عليكم"

- أسمع ولا تقاطعني

- هلا بنيتي شخبارش أم صالح .. انشاءالله لعيال بخير

- الحمدلله .. شخبارك يبا انشاءالله أنت بخير .. وشخبار أخواني

- كلهم زينين يسلمون عليش

- أيه يبا " بقيتك علشان تجيب الأجار حق بيتنا الي في الهفوف .. صار لنا سنتين ما ستلمنا الأجار ..
وعلشان نصيبنا من محصول النخل .. تجيبه من الرجال الي جبته يكد النخل

- شوفي يا بنيتي .. الأجار أنا أخذته من زمان .. وهو عندي .. دام أنش أحتجتيهم أنا بعطيش أياهم ..
أما النخل ما جبت له رجال يكده .. ما وافقو .. والنخل مات .. يبيله سماد .. ويبيله شغل واجد .. وخلاص العوض على الله ..
وأصلاً النخيل الي جنب النخل صارت بيوت .. وإذا بعتوها بتجيب لكم مبلغ محرز

- شلون يعني راح النخل .. هذا وقف للأمام الحسين .. حسبي الله ونعم الوكيل ..
طيب وين الأجار للبيت الي في الهفوف

- أخذي يابنيتي هذا أجار السنه الماضيه .. وأجار السنه ذي بأدبرلش أياهم

أم صالح تحدث نفسها ..
- أكيد هذا من ترتيب زوجتك مرت أبوي الله يسامحها .. حتى الفلوس تبي تاخذهم مع أن الله منعم عليك بالخير الكثير ..
موتو النخل وتبون تاخذون الأرض .. حسبي الله ونعم الوكيل ..
" وينك يابو صالح " الله يرحمك برحمته ويقمد روحك الجنة

- طيب وبعدين كمل أحمد؟ ويش صار في موضوعي

- أمي قالت لجدي نبيك تروح تسجل قاسم في المدرسة .. هاذي السنة علشان ما تروح عليه

- أيه وش قال جدي

- أهو ما يكمل عمره ست السنة ذي .. يعني لازم ينتظر إلى السنة الجاية

- بس يبا الولد يبي يدخل المدرسة .. وينقص من عمرة على الست أربع أشهور بس .. حاول فيهم

- زين .. خلاص أنا بروح لهم وبشوف بحاول فيهم

- إيه قول لهم الولد ذكي .. وأكبر من عمره .. حافظ كل السور الصغار من القرأن و حافظ الأرقام كلها ..
ويعرف شوي من جدول الضرب

- خلاص قلت لش بروح أسجله .. يالله تبين شي ..

- سلامتك يبا .. مع السلامة

- حلو .. حلو .. يعني راح أدخل لمدرسة

- أصبر عاد لا تفرح واجد أهو قال بحاول فيهم علشان يقبلونك .. وهذا إذا ما عمتك منعته بعد

- الله يستر بس .. اليوم بروح بيت جدي علشان أشوف وش صار

ذهب قاسم بلا علم أمه إلى بيت جده .. لكي يرى ماذا حدث في موضوع دخوله المدرسة

:
:

وح ــي الخياال

12-04-2008, 06:43 PM

- خالي محمد .. وين جدي

- تحت في المجلس .. مع الشيخ ومعاهم رجال واجد

- يعني متى يرجع جدي من يمهم

- مادري .. قويسم تعرف ترقا على الجدران حق السطح مثلي شوف ولا تخاف

- لا لا أمي ما ترضى لي .. شافتني مرة وصرخت علي .. وقالت لي في واحد طاح ومات .. أنا بروح يم التلفزيون أشوف الرسوم المتحركة أحسن

- أجل خل نروح نشوف توم وجيري .. يالله أنا بنزل

- خالي محمد عندك 20 ريال أبي أشتري منيبولي لعبة حلوة

- أصبر أفتح الحصالة وأعطيك بعد شوي .. بس لا تعلم أحد

- خلاص ما أعلم .. بس خل نروح ألحين قبل ما حد يجي

- خذ هاذي عشرين .. وإذا علمت أحد بضربك بالعصى على راسك

- لا .. ما أعلم أحد .. أنت تعرفني ,, أنا بروح أسلم على جدي علشان بمشي

- جدي ,, جدي

- هلا وليدي قسومي ,, كيف جيت .. بحالك .. ولا معاك أحد

- لا جيت لحالي .. أدل الطريق

- أنتبه على روحك .. ولا تجي لحالك مرة ثانية .. والله أنك ولد محظوظ .. اليوم رحت أسجلك وقالو ما في مشكله .. بس جيب ورقة من التربية والتعليم .. وبعدين نسوي له أختبار وإذا طلع مثل ما قلت أنقبله

- يالله جدي .. أنا بروح البيت أمي تنتظرني

ذهب قاسم والفرحة تغمره ... ذهب راكضاً إلى البيت ليخبر أمه

- يما .. يما .. وينش .. رحت بيت جدي .. ورجعت

- أنا ما حذرتك لا تروح عندهم .. ما تسمع الكلام .. أن رحت مرة ثانية بدون إذني بضربك بالعصى على رجولك .

- سمعت جدي يقول وافقو أنهم يسجلوني بس بسون لي أختبار يقول

- صج .. سمعته يقول كذا .. زين زين الله يبشرك بالخير

- أيه يما .. شفتي .. علشان ما تضربيني

- لا لا ما أضربك أنا أخوفك بس .. علشان ماتروح بدون ما تقول لي مرة ثانية

- يالله يما خلي زينب تعلمني أكتب أسمي .. علشان يقبلوني

- قويسم من وين لك كل هل الأفكار .. والله بديت أخاف عليك

- لا يما لا تخافي .. هذا أحمد أهو الي يقول لي .. ويعلمني

- ألحين أخلي زينب تعلمك تكتب أسمك .. وأخليها تحفظك الحروف كلها

- أنا حافظ الحروف يما سمعي " أ , ب , ي , ج , ق , ف ... أأأأ , ت

- روح ألحين وأنا أخلي زينب تحفظك الحروف كلها اليوم .. وإذا حفظتهم .. بأشتري لك منيبولي ..

- خلاص يما أنا حافظهم كلهم عطيني اللعبة ألحين ..

- روح .. بس .. روح .. خل أختك تحفظك وبعدين تسمعهم لي كلهم عدل .. تالي أعطيك اللعبة

قاسم يحدث نفسه
-العشرين الي حصلتهم من خالي بخليهم .. بشتريبهم من الجمعية .. وأمي بتشتري لي منيبولي

خرج قاسم متلصصاً لكي لا يراه أحد .. ليذهب إلى الجمعية لوحدة ليشتري ويتمتع بالتسوق بالعشرين ريال التي يملكها .. وأثناء مشيه في الطريق حدث ما لم يتوقعه

- قويسم تعال وقف .. وين بتروح .. ويش عندك ( محمد جارهم )

- ما عندي شي ما بروح مكان

- تعال وقف .. جيب الي عندك أحسن لك

- أنحش لا توقع في قبضة عصابة الفريج

- صدناك يالكلب .. تركض بعد . ها .. أشوف الي عندك .. عشرين عز الطلب

- لا تاخذهم هاذي فلوس أمي

- تنحاش بعد ها " أحنا كنا بناخذ الفلوس وبنهدك .. بس ألحين بتنضرب بعد

- لا لا .. اخذو الفلوس ولا تضربوني

- خذ هالكف علشان ما تنحاش مرة ثانية

- وهاذي رفسه مني بعد (عبدالله عضو العصابة)

هرب قاسم مرة أخرى من الضرب .. وألتفت إليهم وهو يقول " أوريكم والله لأخلي أحمد أخوي وخوالي يضربونكم ضرب يا حمير" وذهب مسرعاً إلى البيت ...

أول دمعة

12-04-2008, 07:10 PM

وح ــي الخياال

12-04-2008, 07:39 PM

بسم الله الرحمن الرحيم

هههههههههههههه

حلوه مرة القصة وممتعة ومشوقة جدا خاصة انها بالعامي

- يوووه لا تحطهم في هافك بعدين يطيحون ..

موتتني من الضحك هذه الجملة خخخخخخخخخخخخخخخخخخخخ هع

مشكور وحي الخيال ننتظر البقية بس اشوي اشوي عشان ما نمل

أهلين فيك .. أخي وصديقي ..
أول دمعة ..
هههههههه
العفو .. الشكر لك لمرورك ..
من عيوني .. ملاحظة دقيقة .. تشكراتي
رعاك الباري ..

بحر الأسرار

12-05-2008, 04:53 AM

اللهم صلي على محمد وآل محمد

ما شاء الله اخوي وحي الخيال روايه جميله وممتعه ... ننتظر الباقي لا طووول علينا

تحياتي ... بحر الاسرار

بنت الحارة

12-05-2008, 09:15 AM

قصة جميلة جداً

والأروع إحساسك بما تكتب

تمتعنا كثيراً بما قرأنها

فقد كانت روح المداعبة والمرح شيء أساسيا لعلو البسمة على شفتينا

ننتظر ابداعاتك القادمة

وح ــي الخياال

12-05-2008, 10:04 AM

اللهم صلي على محمد وآل محمد

ما شاء الله اخوي وحي الخيال روايه جميله وممتعه ... ننتظر الباقي لا طووول علينا

تحياتي ... بحر الاسرار

أهلاً أختي .. بحر الأسرار
اللهم صلي على محمد وآل محمد
هذا من ذوقك الراقي .. وانشاءالله يزداد الحماس في الحلقات القادمة
من عيوني .. ماراح أتأخر في وضع الحلقات .. ولا راح أنزلها بسرعة حتى مايصير في ملل ... لأن الرواية طويله

تحياتي .. لمرورك أخيه
بأمان الله ..

وح ــي الخياال

12-05-2008, 10:12 AM

قصة جميلة جداً

والأروع إحساسك بما تكتب

تمتعنا كثيراً بما قرأنها

فقد كانت روح المداعبة والمرح شيء أساسيا لعلو البسمة على شفتينا

ننتظر ابداعاتك القادمة

ياهلا ومية هلا فيكـِ أخت ..
بننت حارتنا ..
تشكراتي على حروفك .. التي أمدتني بالكثير من الأرتياح
وأكيد أختي .. راح أعمل على تلغيم الرواية بالمرح و الفكاهة بدون ما تفقد الرواية واقعيتها
وأوعدكم .. بالمزيد من المتعة والأثارة .. في الأحداث
دمتي بخير .. وسعادة

دلع

12-06-2008, 02:43 PM

اين بقية الروايه يا وحي الخيال

لقد اشتقنا لبطلنا قوييييسم
وما به مبدعنا اختفى ؟؟
اكمل لانني سئمت الانتظار
حقا اكمل بسرعة ..

تحياتي ..

KaKa

12-06-2008, 04:08 PM

بسم الله الرحمن الرحيم
قصه روووعة نريد ان تكمليها
اختي // وحي الخيال
تسلمي على طرحك الرائع
لك مني اجمل تحية مع
تحياتي اخوكم KaKa

وح ــي الخياال

12-06-2008, 06:30 PM

اين بقية الروايه يا وحي الخيال

لقد اشتقنا لبطلنا قوييييسم
وما به مبدعنا اختفى ؟؟
اكمل لانني سئمت الانتظار
حقا اكمل بسرعة ..

تحياتي ..

أهلاً .. أختي العزيزة ..
دلع
انشاءالله من عيوني .. الأن أنزل الحلقة الثالثة من الرواية
وأشكرك كثير .. على أهتمامك
دمتي بسعادة أخيه

وح ــي الخياال

12-06-2008, 06:35 PM

بسم الله الرحمن الرحيم
قصه روووعة نريد ان تكمليها
اختي // وحي الخيال
تسلمي على طرحك الرائع
لك مني اجمل تحية مع
تحياتي اخوكم KaKa
مرحباً .. بك ..KaKa
لقد أسعدني .. تواجدك كثيراً ..
كل الشكر لك .. لمرورك
في أنتظارك في بقية الأحداث .. أتمنى أن تنال رضاكم

أخوكم
وح ــي الخياال ...

وح ــي الخياال

12-06-2008, 08:34 PM

تحيه لكم .. يا من تواجدتم هنا
نكمل الرواية

1/3

- يعيال ؟ .. يعيال ؟ وين أحمد .. بسرعة وينه

- ويش فيك ؟؟ وش صاير ( زينب لأخت)

- ما في شي .. تركيني .. وين أحمد بسرعة

- أحمد طلع مع محمد

- آه .. يا قلبي وين راحو .. بسرعة تكلمي

- ما أدري عنهم .. تعال أجلس .. وقول لي شفيك

- عصابة الفريج .. باقو فلوسي و ضربوني

- منهو ؟؟ عصابة الفريج .. وليش باقو فلوسك .. وليش أضربوك

- محمد ولد جيرانا وربعة .. ولا تسألي ليش ,, الحقوني و باقو فلوسي وضربوني

- حسبي الله عليهم ,, يووو لا تصيح عاد

- ضربوني كف و عبدالله رفسني في بطني ’, حتى شوفي طبعة نعلته

- طيب هد أعصابك ,’ وخذ أشرب ماي ,’ لا تصيح عاد

- ضربوني يا زينب !! .. ضربوني .. شفيش ما تفهمي .. بسرعة أبي أحمد

بكى قاسم من شدة حزنه .. فهو لا يحتمل الأهانه
بكى حتى نام على حجر أخته وهي تمسح على رأسه وتهون عليه المصيبة
حتى دخل أحمد ورأى منظر الدموع وهي تجف على خد أخيه وثارة ثائرة الأخوة لديه

- زينب ؟ .. زينب ؟ وش فيه قاسم يصيح .. من الي ضربة أو ضايقه .. بسرعة تكلمي

- قصر صوتك .. علشان ما يجلس قاسم وأقعد بقولك الموضوع

- يقول محمد ولد جيرانا ضربه وسرق فلوسة

- منهو ذا محمد؟ .. تكلمي بسرعة .. عورتي قلبي

- أهم أظاهر مجموعة يسميهم (عصابة الفريج) .. محمد ولد أم سلمان,’ أهو زعيمهم عرفته

- طيب طيب .. أنا أعلمه الأدب .. أنا رايح لهم

- وقف .. وقف .. ذول خمسة .. ألحين يضربوك أنت بعد .. أصبر لين يجلس قاسم .. وتأكد منه

- آه .. آه .. جلسيه ألحين بسرعة

- ها أحمد رجعت .. آه .. آه
أحمد ضربوني .. كف وشوف هاذي رجول عبدالله على فانيلتي
وباقو عشريني الي عطاني أياها خالي .. آه .. آه .. أبي حقي منهم

- خلاص .. خلاص .. ماعليه .. لا تخاف حقك عندي .. تعال أبيك

- أسمع قاسم روح بيت جدي ألحين .. وكلم خالي محمد يجي فوراً .. ويجيب معاه آدم وإبراهيم .. بسرعة

- أنزين ألحين أزعق لهم

ذهب قاسم مسرعاً إلى بيت جده .. بملابسه التي طبع عليها رجل عبدالله
فلم يقبل تبديلها قبل أسترجاع حقه .. ولكي يريها أخواله .. عله يستنهضهم لنجدته

- قاسم ؟! .. منهو الي سوى فيك كذا

- (قاسم ودمع عينه تساقط) ضربوني يا خالي وباقو العشرين الي عطيتني أياها
أحمد يبيك تجي البيت ألحين .. ويقولك جيب خوالي آدم وبراهيم

- إبراهيم .. آدم .. تعالو بسرعة .. ماراح تنام الليلة إلا ونت ماخذ حقك من هالكلاب

- يالله بسرعة قبل ما يروحون بيوتهم ,, أهم جالسين قبال المدرسة الي جنب بيتنا

وصل الجميع إلى البيت ,, دخل الجميع غرفة أحمد وقاسم و أغلقو خلفهم الباب
أجتمع الكل في أجتماع مغلق .. وسمي بإجتماع الوحدة .. وأصدرو فيه وثيقة شرف

- هلا خالي محمد .. شفت الي صار لقاسم .. من الحمير ذول (أحمد)

- أخوي قاسم .. روح جيب ماي حق خوالي

- انشاءالله بروح أجيب عصير

- طيب روح .. جيب لنا .. راح قاسم تكلم

- أسمع خالي محمد " قاسم عنده مشكله في قلبه تقول أمي" علشان كذا ماراح نخليه يجي معانا

- أيه ما عليه .. أكيد ماراح نخليه يجي .. بس نحتاج خطة علشان نهجم عليهم على قفله

دخل قاسم من خلف الباب مسرعاً إلى الأجتماع
- أنا عندي خطة "ناخذ أقراش قزاز فاضيه ونرميها عليهم وهم جالسين قبال المدرسة ,,
بعدين أهم بينحاشون .. وبيروحون الخرابه الي ورى بيتنا مقر العصابة

- بس يا قاسم عندهم في الخرابة أسلحة ’, أعصي وحصى ونبالات (خاله محمد)

- أيه نحاوطهم في الخرابة ونرجمهم بالحصى الي راح نلبده يم البيت ..
لأنه الخرابة مافيها سقف ولا راح يقدرون يطلعون وحنا نرمي الحصى (قاسم)

- بس أهم عندهم نبالات .. يصعدون على جدران الخرابة وينبلون علينا (آدم)

- ما عليه ناخذ معانا أغطية الزباله حق البيت .. ونخليها دروع عن النبالات حقتهم (أحمد)

- مافي إلا صكتين تودي الخرابة ..واحد من جهة بيتكم والثاني من فوق الجبل (إبراهيم)

- أنا في الصكة الي من جهة الجبل .. وأحمد يصير في الصكة الي من جهة بيتهم و آدم وبراهيم يجيبون لنا الحصى إذا خلص؟؟ ..

- وأنا وين بصير .. ويش بسوي معاكم (قاسم)

- أنت خلك ماسك العصي والحبل الي بنربطهم أبه وبعدين نخليك تضربهم (محمد)

- يالله مشينا .. للحرب (أحمد)

- سمعو خلونا نصير يد وحدة .. في كل شي "سواء طقينا أو أنطقينا ,’
ما حد ينسحب من الفرقة (محمد)

- ماعليه .. موافقين

:
:
يتبع

وح ــي الخياال

12-06-2008, 08:43 PM

:
:

ذهبو للقتال .. وحدث ما خططو له تماماً ,’ تساقطت الزجاجات الفارغة على عصابة الفريج فهرعو بالفرار إلى الخرابة مسرعين .. هناك كان ينتظرهم وآبل من الأحجار
حالو عابثين فك الحصار بإستخدام (النبالة) لاكن كانت الدروع (أغطية القمامة) وضيق الصكك كانت لهم بالمرصاد

- أضرب .. أضرب .. براهيم جيب حصى لي بسرعة (محمد)

- أنتبه لا يهرب أحد منهم .. آدم جيب حصى بسرعة (أحمد)

- وقفو الهجوم .. وقفو الهجوم .. أستسلمو .. (قاسم)

- قاسم وين العصي والحبل " علشان نربطهم " (محمد)

- أنتبهو لا ينحاش الكلب جويسم من ورى (أحمد)

- براهيم وآدم رفعو رجول محمد " علشان قاسم يضربهم بالعصى " (محمد)

- أخذو منهم العشرين وضربوهم .. عبدالله ومحمد الكلاب ضربهوم أكثر .. أنا تعبان بروح البيت

- قاسم..!! أشفيك (أحمد)

- ما فيني شي .. بس قلبي يعورني .. خلاص تركوهم يمشون .. بس أخذو منهم العشرين

- خلاص نضرب محمد وعبدالله الكلاب الي ضربوك وبنترك الباقي

- على كيفكم ..

ضُرب محمد زعيم العصابة وعبدالله .. حتى بكيا من شدة الضرب .. وتركوا يبكون في البيت الطيني المهجور .. ومضى على الحادثة عدة أيام .. وقاسم لا يزال يستعد لأجتياز أختبار المدرسة ..
جاء الجد إلى بيت أبنته أم صالح ..

- أم صالح .. شخبارش يا بنيتي .. وشحوال لعيال .. ما عليهم خالف انشاءالله

- هلا يبا .. شخبارك .. انشاءالله بخير ’’ لعيال كلهم بخير ,, يبوسون يدك

- أيه سمعي يا مصالح .. بكرى بامر عليكم الصباح أخذ قاسم أوديه المدرسة علشان المقابلة

- تسلم والله يبا .. ماتقصر .. جعلك ذخر لنا انشاءالله

- يالله .. توصيني على شي .. السيدة تنتظرني (السيدة :عمت قاسم .. زوجة جده)

- فأمان الله يبا .. سلم على خواني

- يبلغ انشاءالله

- قاسم يما تعال .. توه جدك طالع .. يقول بكرى بياخذك معاه المدرسة
حفظت الحروف كلها

- أيه يما .. حفظتهم كلهم .. سمعي (أ - ب - ت - ث - .... وي)

- شاطر يما .. ممتاز .. بطلع لك اللعبة من غرفتي الي وعدتك أياها منيبولي

- صج يما .. ماتقصري .. وهاذي بوسة على خدش

- الله يحفظك انشاءالله .. بس ذي البوسة علشان المدرسة ولا اللعبة

- علشان أني أحبش واجد واجد

- آه يالعيار .. علشاني ها .. الله يقربلك

- لا لا علشان اللعبة .. لاتصدقي

- هههههه .. قربل الله أبليسك من ولد

- أمزح معاش يما .. أحبش واجد واجد واجد ..

لم يستطع قاسم النوم في تلك الليلة .. فهو يرى المدرسة أمام ناظره ولا يستطيع النوم فغداً يوم جديد في حياته .. حتى تمكن النوم منه بصعوبة ..

بحر الأسرار

12-07-2008, 02:57 AM

هلا اخوي وحي الخيال ... استمتعت بقراءة الجزء الجديد ننتظر البقيه الله يعطيك العافيه

تحياتي لك ... بحر الاسرار

وح ــي الخياال

12-07-2008, 08:52 AM

هلا اخوي وحي الخيال ... استمتعت بقراءة الجزء الجديد ننتظر البقيه الله يعطيك العافيه

تحياتي لك ... بحر الاسرار

أهلين بيكـ أخيه ..

تشكراتي بحر الأسرار .. على مروركـ العزيز
وأوعدكم بالمزيد من الأثارة والضحك .. في باقي الرواية
:36_1_11[1]:
رعاكـِ الباري

بنت الحارة

12-07-2008, 01:48 PM

حقا هي رواية تستحق القراءة

كم احببت الرواية

ولكن اوجعني قلبي على قاسم مابه ؟؟

مالمرض الذي في قلبه ويعاني منه ..؟؟

تحياتي ** بنت الحارة

أكرفيه للأبد...

12-07-2008, 02:07 PM

وح ــي الخياال

12-07-2008, 03:59 PM

حقا هي رواية تستحق القراءة

كم احببت الرواية

ولكن اوجعني قلبي على قاسم مابه ؟؟

مالمرض الذي في قلبه ويعاني منه ..؟؟

تحياتي ** بنت الحارة

تشكرات ,, تشكرات ,, تشكرات .. أختي الكريمة
بنت حارتنا .. الطيبة
سلامت قلبكـ من كل سوء .. ومن وجع أخيه
هاذي أحدى المفاجآت الكبرى .. الي راح تكشفها الرواية ..
عن مشاكل بطلنا و ولادته المبكرة في الشهر الثامن ..
وهل هذا سوف يأثر على طموحة أم يتخطى هذه العقبة ؟؟
:36_19_3[1]:
{ .. وأعلن أمامكم الأن بأنه سوف يتم عقد مؤتمر صحفي .. في الشات طبعاً إذا رجع .. للأجابة عن كل تسؤلاتكم في الرواية وأحداثها الماضيه والقادمة .. وعن الرواية الثانية التي سوف أعلن عنها لاحقاً ...}

تحياتي لك .. يا سيدتي
في رعاية الباري .. وحفظه

أول دمعة

12-07-2008, 03:59 PM

بسم الله الرحمن الرحيم

جزء جميل من هذه القصة الاكثر من رااائعة

تجسم لنا الواقع الحقيقي لنا عندما كنا اطفال بأعمارهم

ننتظر البقية اخي وحي الخيال

ودام قلمك الثمين لنا

وح ــي الخياال

12-07-2008, 04:18 PM

اخي (وحي الخيال)

بكل صراحه أهني قلمك المبدع... في البدايه .. وأهني خيالك الواسع ,لااعلم ولكن احسست أثناءقراءتها بأنك تروي واقع إنسان ما ..

انا اليوم قد تواجت في متصفحك

لأول مره..

قرأت القصه من بدايتها ...ولكن طول قراءتي لها أحس بالشغف

لقراءة المزيد والمزيد ..

وانشالله أنا سوف أكون من الآن من المتابعين أولا بأول للقصه ..

بحق أنت مبدع ..

دمت ودام تميزك وإبداعك..

أختك...

أهلاً ,, وسهلاً .. وياهلا فيكـ
نورك سفر .. وفرحنا بيكـ

شرف لي تواجدكـ .. هنا ..أختي المبدعة
أكرفيه للأبد
أكيد القصة واقعيه .. وأنا كاتب في العنوان أنها قصص واقعية
والله أخجلتي تواضعي أختي الكريمة
تواجدك كرم أكثر من ما تستحقة كلماتي

- وإذا فيه أي أسئله أنشاءالله أجاوبكم عنها في المؤتمر الصحفي الي ذكرته في الرد السابق

دمتي بخير .. وسعادة أخيه

وح ــي الخياال ..

وح ــي الخياال

12-07-2008, 04:29 PM

بسم الله الرحمن الرحيم

جزء جميل من هذه القصة الاكثر من رااائعة

تجسم لنا الواقع الحقيقي لنا عندما كنا اطفال بأعمارهم

ننتظر البقية اخي وحي الخيال

ودام قلمك الثمين لنا

كل التحايا لك .. أخي وصديقي
أول دمعة
نعم أخي أول دمعة جانب من ذكريات الطفوله التي لا نريد أن ننساه أبداً
روايتي في أنتظارك .. أخي .. مبدع أول دمعة
تشكراتي على مرورك .. العزيز

بحر الأسرار

12-10-2008, 05:00 AM

اخوي وحي الخياال ... اين الاجزاء التي وعدتنا بها ؟؟؟

بصراحه مشتاقه لباقي الاحداث ... انشاء الله ما طوول علينا ... انتظر جديدك بشووق

تحياتي لك .. بحر الاسرار

وح ــي الخياال

12-10-2008, 01:00 PM

اخوي وحي الخياال ... اين الاجزاء التي وعدتنا بها ؟؟؟

بصراحه مشتاقه لباقي الاحداث ... انشاء الله ما طوول علينا ... انتظر جديدك بشووق

تحياتي لك .. بحر الاسرار

عذراً منك ومن كل الأعضاء .. ظروف العيد
من عيوني انشاءالله .. دقائق معدودات .. وتكون الحلقتين بين أيديكم
خجلتيني .. بإهتمامك والله
بحر الأسرار .. انشاءالله تستمتعون في باقي الأحداث
تحياتي وأشواقي أخيه

وح ــي الخياال

12-10-2008, 09:47 PM

سلااااام ..
تشكراتي .. لكل من تواجد في هذه الصفحات
نكمل ..

1/4

كان أول من صحى في ذلك اليوم هو قاسم .. متعجلاً لذهاب للمدرسة ليراها
فذهب مسرعاً ليوقض الجميع

- يما .. يما جلسي يالله .. علشان أبي أروح المدرسة

- ها .. آه كم الساعة هالجاي تجلسني .. بدري

- مابعد تطلع الشمس ..؟ بس ألحين بتطلع

- شنهو هاذي فزورة .. طيب روح أسبح علشان تصير مرتب ونظيف

- زين يما .. ألحين أسبح

- يما زينب .. جلسي .. جلسي "قومي سبحي أخوش قاسم"

- ها .. يما .. ألحين بقوم أسبحة

- "لا لا ما أبيها تسبحني .. أنا كبرت .. ماني .. ماني .. أبي أسبح بلحالي"

- لا يما مايصير .. أنت أصغير وماتعرف تسبح

- لا يما خلاص .. أنا بروح المدرسة .." وخوالي يسبحون لحالهم .. ويطنزو علي أنكم تسبحوني"

- يوووو منك .. خلاص روح أسبح
خلش يازينب ورى الباب وشرحيله شلون يسبح

- لا لا بقفل الباب مابخليه مفتوح

- الله يقربل ابليسك .. روح أسبح وفكنا يالله

- زينب لحقيه ليكون يسوي في روحة شي

- سمعتش يما .. تقولي لزينب روحي لا يسوي في روحة شي ..
أنا بسبح وبطلع

- بتسبح ولا بقوم أنا أسبحك ألحين ..

- لا لا خلاص أنا بسبح

- أفتح ياقسومي الباب

- لا ماني فاتح .. أنا بسبح لحالي

- ماعليه بس لا تقفل الباب .. ولا تعبي المغطس كله

- أعرف .. أعرف ..؟؟

- شالصوت ياقويسم .. شسويت في الحمام

- زلقت وطحت على يدي .. "ولا تعلمي أمي"

- يووووه أفتح الباب بسرعة

- ماني فاتح .. روحي بس روحي

- الله يقربل ابليسك .. " خلصت أنزين ولا باقي واجد "

- قربت أخلص روحي جيبي الفوطة حقتي..

- خذ هاذي الفوطة ..

- لا لا جيبي فوطتي الي فيها رسومات

- أخر زمن هالبعبوص يتشرط علي

- روحي جيبيها ولا بعلم أمي ..

- أيه هاذي جبتها لك .. أفتح الباب وخذها

- أهو عطيني أياها من ورى الباب

- أفتح الباب بس .. خذ مافيه غير هالفوطة

- يما .. يما لحقيني زينب تبي تدخل علي الحمام .. يما يما

- غطيه بالفوطة يازينب وطلعيه يالله .. علشان مايتأخر على المدرسة

- حتى أنتي يما صرتي وياها

- ياعيال .. ياعيال .. الفطور جاهز علشان تروحون مدارسكم

طرق الباب .. وذهب قاسم مسرعاً يفتح الباب لجده كي يذهب معه المدرسة

- هلا يبا .. صباح الخير .. شلونك .. انشاءالله بخير

- الحمدلله .. وصباح النور والسرور .. شخباركم ياعيال .. شحلوكم ونتو جالسين مجتمعين

- ها جدي .. أنا جاهز علشان نروح المدرسة.. يالله

- ماراح ياخذك جدك .. ألا لين تفطر

- مابي فطور .. بروح المدرسة مع جدي ألحين علشان مانتأخر

- لا .. لا ماب زين لك تروح على شحم بطنك يما

- بتأخر .. بتأخر ونتو جالسين تسالفون

- لفي له خبزة .. وعطيه وياها .. ولا ماراح نقدر عليه هالولد

- أيه عطيني الخبزة .. أكلها في الطريق أنا مع جدي

- هههه .. جدك مايبي من خبزتك .. جدك فاطر

- يالله .. يالله جدي بسرعة خل نروح المدرسة

- يالله .. في أمان الله ياأم صالح .. مع السلامة

- الله يسلمكم ويحفظكم من العين ومن كل شر "آمين"

في الطريق إلى المدرسة
- ها يوليدي ياقسومي .. حفظت الحروف كلها

- أيه حفظتهم كلهم .. وأنا بعد حافظ الأرقام ..

- أجل سمعنا الحروف بالترتيب .. يالله

- زينب الي ذاكرت لي ... ( أ - ب - ت ....... وي )

- شاطر .. خذ هاذي من عندي 10 ريال هديه لك

- شكراً جدي .. وحافظ الأرقام بعد وحافظ سور القرأن

- ماشاءالله .. ماشاءالله .. يالله سمعنا سورة الحمد

- بسم الله الرحمن الرحيم .. الحمدلله رب العالمين ....... غير المغضوب عليهم ولا الظالين

- ممتاز .. شاطر وهاذي 10 ريال ثانيه لك

- وترى حافظ الأرقام بعد

- ههه .. لا خلاص سمعهم في المدرسة للمدير ..

- جدي المدير ويش أسمه ؟؟

- ههه .. أسمه عبدالرحمن .. ومعانا الوكيل .." فطين ماشاءالله عليك ياولدي"

- أمي علمتني مع أحمد وزينب .. بس وزهرة كله تضربني

- وليش تضربك بعد زهيرة .. ماعليه أنا أكلمها وماأخليها تضربك بعد

- تبيني أشتري لها من البقالة .. وأمي ماترضى لي أطلع إلا إذا أهي طرشتني

- ههه .. ماعليه ماأخليها تضربك
:
:

وح ــي الخياال

12-10-2008, 09:53 PM

:
:
- جدي وصلنا المدرسة .. كبيرة واجد واجد

- يالله ياوليدي سم بسم الله ودخل برجلك اليمين

- بسم الله .. أها .. وهاذي رجلي اليمين

- لا لا ذي نطه .. مابدخول باليمين .. هههه

- جدي شوف ذيليك العيال الي يلعبو هناك

وصلا إلى غرفة المدير وطرقا الباب .. قاسم وجده
- السلام عليكم ..

- وعليكم السلام ورحمة الله وبركاته .. تفضل .. تفضل (مدير المدرسة)

- صباح الخير .. وهاذا أحنا جينا على الموعد

- تعال ياولد جنبي تعرف أسمي ويش؟ أسمي أنا ..

- أعرف .. أعرف .. أنت عبدالرحمن

- ههههه .. والله فاجئتني طيب أنت شسمك ياحلو

- أسمي قاسم .. ويقولون لي قسومي

- هههه .. ويش أسم أبوك قسومي

- عبدالله

- أنت باين عليك ذكي ياقسومي

- أيه أمي كله تقول قسوم أكبر من حجمة

- هههه .. أسمها قسوم أكبر من عمرة (الوكيل)

- حافظ الحروف قسومي (المدير)

- أيه .. حافظهم كلهم

- سمعنا الحروف .. بالترتيب

- أحم ..( أ - ب -ت ... وي ) وحافظ الأرقام بعد (1 - 2 - 3 ..... 10)

- بس كافي .. كافي قسومي .. حافظ سور من القرأن الكريم (الوكيل)

- أيه حافظ سور واجد .. وتوني مسمع حق جدي

- ههه .. يالله سمعها لنا أجل (الوكيل)

- أحم (بسم الله الرحمن الرحيم .. الحمدلله رب العالمين ...... ولا الظالين)

- ممتاز .. ممتاز .. شاطر .. قسومي أخر سؤال ويش اللعبة الي تحبها واجد وتلعبها (المدير)

- أحب المنيبولي واجد .. واجد ..وأمي عطتني أياها

- خلاص قسومي .. أجلس جنب جدك .. لين ما نخلص أجراءات قبولك

- هاذي الأوراق موجودة .. وهاذا الملف والصور

- خلاص بوعبدالله .. أعتبر ولدك في المدرسة أعتباراً من السنة الجديدة

- شكراً .. شكراً أستاد عبدالرحمن (قاسم)

- العفو ياولدي ..

- يالله .. مشكورين وما قصرتو .. مع السلامة

وح ــي الخياال

12-11-2008, 02:49 AM

1/5

رجع قاسم والفرح يملئ قلبه فهو حقق حلمه بدخول المدرسة ..
وذهب مسرعاً يطرق الباب بشدة من شدة الفرح

- يما .. يما دخلوني المدرسة .. وقالو أجي لهم السنة الجديدة

- ألف مبروك ياوليدي .. عقبال الشهادة الكبيرة .. انشاءالله

- يووووه ويش هالشهادة الكبيرة يما

- يعني تدخل الجامعة .. وتاخذ الشهادة الجامعية

- يما .. قال عني المدير أنت ولد ذكي ياقسومي خخخ

- ههه .. صحيح أنت أكبر من حجمك

- يما قلت لهم أمي كله تقول عني " أنت أكبر من حجمك"
ضحكو وقال لي المدير لا أهي "أنت أكبر من عمرك "

- أيه .. أهي كذا .. بس أنا أحب أقول حجمك الصغير
ماتشوف أختك الي أصغر منك تضربك (أيمان)

- هي تضربني .. وأنا ما أبي أضربها ..

- لأنك تخاف منها .. هههه تضربك

- يالله يما .. خل أجهز روحي للمدرسة

- ريض ياقسوم على المدرسة .. باقي شهر .. وبعدين الأجازة الكبيرة .. وبعدين تفتح المدرسة

- أيه .. ماعليه أبي أجهز أغراضي للمدرسة
يما .. أنا أحبش واجد .. واجد

- وأنا بعد .. أحبك أكثر ..أكثر حتى منك

- لا لا يما .."أنا أحبش أكثر من كل الدنيا"

- ههه .. الله يقربل ابليسك "روح اللعب أنا بجهز لخوانك الغدا"

- أيه .. يما سألني المدير عن لعبتي .. وقلت له أمي شرت لي أياها منيبولي خخخ

- يما .. يما وين الغدا .. جعنا (زهرة)

- ألحين يما .. بسيرجعون أخوانش من مدارسهم

- يما .. جايع أبي بسكوت أبو ولد ..(قاسم)

- لا .. بعدين ماتتغدا .. بعد الغدا أعطيك واحد

- مابي غدا .. أبي بسكوت

- لا مايصلح .. الدكتور قال لازم قاسم ياكل أكل صحي ..

- خلاص مابي أتغدا .. بروح أنام

- تعال .. تعال والله تعبني هالولد .." مادري ويش أسوي معاه"

- أحمد جيت خلف جداني .. أركض ورى أخوك قاسم جيبه خله يتغدا .. أهو يسمع منك

- انشاءالله يما .. بس ويش صاير

- السلام .. يما جاهز الغدا .. يالله حطيه جوعان .. (الأخ الكبير صالح)

- يما .. يما نام قاسم .. خلاص خليه نايم وإذا جلس ياكل

- والله ما أقدر فيه هالولد .. بس جسمه مايتحمل خرابيط ...

ذهب الجميع ليأكلو لاكن اليوم بلا قاسم .. كالعادة فهو زعلان .. عم الصمت على سفرة العائلة
والكل يتذكر المشاغب المرح .. وأمه لم تستطع الأكل وأبنها نائم وهو جائع

- آه .. آه نمت واجد اليوم .. أستوى الليل وأنا نايم (قاسم)
يما ..!! شفيش جالسى في غرفتي .. صاير شي

- ههه .. أه منك من ولد .. تسوي روحك ماتدري عن شي
قوم يما أجلس علشان تاكل .. على شحم بطنك من الصباح

- ألحين بجي .. عطيني بسكوت أبو ولد

- كان زين .. بس مافيه .. خلص البسكوت .. مافيه إلا سلطة وفواكة وباقي شوي من الغدا

- لا .. لا تقصي علي فيه بسكوت في غرفتش

- خلاص قوم .. ألحين أطلع لك .. وأمري لله

- أيه .. هاذي أمي الي أحبها

- آه منك .. خل أقوم بس

- أحمد ؟ .. بتتجمعون أنت مع خوالي (الشله)

- لا اليوم مافي جمعة .. أنا ألحين بنام بكرى عندي مدرسة
تصبح على خير

- وأنت من أهل الخير ..

ترك جاسم وصلاح عصابة (الفريج) بشكل نهائي .. وجاءو لقاسم يستسمحوه ويطلبون منه السماح والصفح
.. ويعرضون عليه الأنظمام معه في الشله ’’ فهو الأب الروحي لشله ’’

- قسومي سامحنا على ذاك اليوم (جاسم)

- أنتو أخذتو الي تستاهلون ,, شتبون جايين .. ما تأدبتو من ذاك اليوم

- لا والله .. نبي نقول لك .. تركنا محميد وعبيد يولون .. وبنجي وياك

- شوفو أنتو صحيح كنتو معاهم يام ضربوني وباقو فلوسي ..
وبعد كنتو وياهم يام ضربناهم .. علشان كذا أنا سامحتكم

- ترضى نصير أصدقاء وياك (صلاح)

- أنا ماعندي أصدقاء .. وأمكم صديقت أمي .. علشان كذا ماعليه

- يالله خل نروح البقاله .. ونشتري أسكريم (جاسم)

- أنا بروح البيت ألحين .. بعدين الوعد

ذهب قاسم إلى بيتهم وهو فرح مسرور بما حدث معه .. فالخطر الذي كان يتخوف منه زال وأصبح لديه أصدقاء

- أحمد؟ .. أحمد؟ تعال بقولك شي

- شعندك .. قول

- جويسم وصلاح جاو لي اليوم .. يبون يمشون معانا ..
وطلبو مني أسامحهم .. وأنا وافقت

- بس ذيلي الي ضربوك .. تخليهم يصيرون أصدقائنا

- صج كانو موجودين معاهم .. بس ما ضربوني

- على كيفك ..

- أحمد صج متى خوالي بيجون بيتنا .. حق نجتمع

- اليوم بيجون .. خلهم يجون الغرفه على طول

- أنزين

- يما .. يما جايع عطيني بسكوت

- ونت ماتبطل من البساكيت تراها تضرك

- ماعليه أنا أبي بسكوت .. جوعان؟

- أنا مابعطيك .. الدكتور قال لاتعطوه خرابيط .. بعدين تجي تصيح علي تعبان

- ماني ماكل خلاص .. بتم بدون أكل لين ما أموت

- أسمع هاذي أخر مرة أعطيك فيها بساكيت

- أنا أحبش واجد يما .. أنتي حلوه

- خذ .. أيه أكل بعقلي حلاوة ..

- شنو حلاوة .. أيه عطيني حلاوة .. أبي حلاوة

- آه يالعيار .. روح بس .. شكلك تبي تموتني ناقصه عمر

- ههه لا لا يما .. انشاءالله تربيني وتكبريني

- روح أفتح الباب .. شوف منذ جاي

:
:

وح ــي الخياال

12-11-2008, 02:50 AM

:
:

- هاذول خوالي ..؟ ,, هلا خالي محمد

- ها قويسم .. شريت منيبولي الي قلت لنا

- أيه .. أمي شرت لي .. يوو لا أنسى أحمد ينتظركم في الغرفة

- يالله .. اليوم أجتماع الشله (الخال محمد)

- هلا أحمد .. هلا أحمد .. هلا أحمد

- هلا خوالي زين جيتو

- اليوم ويش بتقولون عاد (آدم)

- أقولكم جويسم وصلاح يبون يصيرون معانا في الشله

- خلهم يولون .. الكلاب .. (الخال أبراهيم)

- لا .. ماعليه علشان تزيد قوتنا في الديرة (الخال محمد)

- يعني كلكم موافقين (أحمد)

- أيه .. أيه .. موافقين

- ألحين نبي نتفق .. مافي مساعدة حق الي يسون مشاكل ويجي يقول ساعدوني
بس الي ينضرب أو يغلطون عليه (أحمد)

- أكيد .. ماعلينا من الي يسوي مشاكل (الخال محمد)

- أجل حطو أياديكم على بعض .. وعدو لين الثلاثة (قاسم)

- يالله .. مشينا نطلع الشارع .. نتمشا (آدم)

- ذول جويسم وصلاح .. جالسين (ابراهيم)

- يالله تعالو معانا .. خلاص وافقنا (آدم)

- قسومي .. أبي أقول لك شي (جاسم)

- قول ويش تبي

- عبدالله ومحمد يبونك تسامحهم .. وتخليهم يصيرون معانا

- شوف هالأثنين ذول مايصيرون معانا أبدا .. بس أنا سامحتهم

- خلاص على كيفك ..

- يالله أنا أحس أني تعبان برجع البيت (قاسم)

- شفيك قاسم (الخال محمد)

- مافيني شي .. بس بروح ألعب منيبولي

- على كيفك .. روح

ذهب قاسم إلى البيت .. فلم يلعب في لعبته المفضله لديه .. بل قلبه النعاس
ورمى بنفسه في صالة المعيشة ونام بهدوء

بحر الأسرار

12-11-2008, 05:27 AM

الله يعطيك العافيه اخوووي وحي الخياال ... بصراحه ابدعت ,,وقسومي ياقلبي عليه والله حبيته

اجزاء ممتعه ومشوقه لقرآءة المزيد والمزيد من الاجزاء

تحياتي لك مغلفه بالشكر .. بحر الاسرار

أول دمعة

12-11-2008, 06:06 AM

بسم الله الرحمن الرحيم

قصة جميلة ومشوقة تجذب كل من يقراها

بسم الله الرحمن الرحيم تسلم اخي وحي الخيال

ننتظر باقي القصة

وح ــي الخياال

12-11-2008, 10:20 AM

الله يعطيك العافيه اخوووي وحي الخياال ... بصراحه ابدعت ,,وقسومي ياقلبي عليه والله حبيته

اجزاء ممتعه ومشوقه لقرآءة المزيد والمزيد من الاجزاء

تحياتي لك مغلفه بالشكر .. بحر الاسرار

كل التحايا .. وأعطرها .. لكـِ أختي
بحر الأسرار
الحمدلله أنها نالت رضاكم .. وهذا بتوفيق من الله سبحانه
وأوعدكم يأعزاء بالمزيد من الأثارة والمتعة .. في القادم من الرواية
:a46:
تشكراتي لك أخيه
في رعاية الباري .. وحفظه

وح ــي الخياال

12-11-2008, 10:39 AM

بسم الله الرحمن الرحيم

قصة جميلة ومشوقة تجذب كل من يقراها

بسم الله الرحمن الرحيم تسلم اخي وحي الخيال

ننتظر باقي القصة

مرحباااا فيك .. أخي وصديقي ..
مبدع أول دمعة
هذا بس من ذوقك .. وطيبة قلبك
أنا الي أشكرك على تواجدك .. وأهتمامك
في أنتظارك .. في كل جديد
تحياتي وأشواقي

دلع

12-11-2008, 01:55 PM

رائعة جدا
واعتذر على عدم ردي للجزء السابق
ولكن حقا لقد ابدعت
هذه القصة تجذبني بما فيها
لان الاسماء متشابهة من واقعي ههههه

تابع فنحن ننتظر

تحياتي ..

وح ــي الخياال

12-11-2008, 02:45 PM

رائعة جدا
واعتذر على عدم ردي للجزء السابق
ولكن حقا لقد ابدعت
هذه القصة تجذبني بما فيها
لان الاسماء متشابهة من واقعي ههههه

تابع فنحن ننتظر

تحياتي ..

تشكرات ,, تشكرات ,, تشكرات ,, لتواجدكـ العزيز أختي
دلع
لا لا لا تعتذري أختي .. أنا الي أعتذر عن أي تقصير في الرواية
وهي لم تأتي .. إلا أستمرار لإبداعكـ
هههههه :2b6d5qkltq:
روايتي في أنتظاركـ ..
وديـ ...

بنت الحارة

12-12-2008, 01:12 PM

وح ــي الخياال

12-12-2008, 01:44 PM

مرحبا .. اخي وحي الخيال

رواية تجذب القارئين...

واخيراً تحقق حلم بطلنا الصغير ...

ههههه شكله يبي بعد 10ريال يوم جاء بيقول الارقام

ههههههههههههه

تقبل مروري المتواضع. .

تحياتي ** بنت الحارة

مرحبتين فيك خيتو ..
بنت حارتنا الطيبة
هذا حلمه الأول وباقي الكثير الي راح يتحقق .. والي راح يحققه في المستقبل .. بعد ..
هههههه صحيح بس جده بخيل .. أنا أستقربت لما عطاه العشرين .. بس مثل ماتقول الوالدة
خذ من جيبه وعيده خخخخ
مرورك عزيز خيتي .. وكل يوم تعالي
وديـ...

مشتاقه لحنانكـ

12-15-2008, 06:13 AM

وح ــي الخياال

12-15-2008, 09:45 AM

الله الله عليييييك انت احلى مبدع

اني ماادخل قصص بس قريت جزء من روايتك عجبتني كثيييييييييير

دايما تبهرنا بجهدكـ وتمييزكـ الجميييييييييييل

كل مانشكركـ قليل في حقـكـ00

الله يعطيك العافيه ^_^

ويوفقكـ ويحقق كل امنياتكـ يااااااااارب

لاتحرمنا من ج ــــــــديدكـ000

تحيه .. لتواجدكـِ أختنا العزيزة
مشتاقه لحنانكـ
أنحني لكلماتكـ الرقيقة والجميله
ألتفاته دقيقة أخيه
وانشاءالله تتحقق أمانيكـِ .. يااااارب
بأنتظاركـِ في كل جديدي
لكـِ من أعذب كلمات الشكر ما تشائين

وديـ..

بحر العشاق

12-18-2008, 05:03 AM

السلام عليكم ..,,
لا أعلم بماذا أبدأ ومن أين أسطر حروفي ولا أعرف كيف أشكر قلمك الرائع ولا أعرف كيف أشكرك ..
قصص واقعية ,, متتالية ,, من الماضي إلى الحالي ,, وهذا الحاصل في هذا الزمن ..

قصه خارجة من يد عضو وحي الخيال فتستحق التثبيت .. ولقد عيشتنا بأجواء تلفزيونية كأنني أشاهد مسلسل ..
لأنه فعلاً مسلسل أجتماعي يحكي عن الواقع الشاب الطموح ..

فشكراً لك

وح ــي الخياال

12-18-2008, 04:01 PM

أختنا الكريمة بحر العشاق

السلام عليكم ..,,

[ وعليكم السلام .. ورحمة ]

لا أعلم بماذا أبدأ ومن أين أسطر حروفي ولا أعرف كيف أشكر قلمك الرائع ولا أعرف كيف أشكرك ..
قصص واقعية ,, متتالية ,, من الماضي إلى الحالي ,, وهذا الحاصل في هذا الزمن ..

[ تواجدك شرف كبير أختي الكريمة .. انشاءالله تكون نالت جزء من الرضى .. وأنا الي أشكرك أختي على مرورك ]

قصه خارجة من يد عضو وحي الخيال فتستحق التثبيت .. ولقد عيشتنا بأجواء تلفزيونية كأنني أشاهد مسلسل ..

[ هذا كرم أكثر مما يستحقه قلمي .. لاكنه كرم يأتي بمقدار صاحبه .. فشكراً لكِ ياسيدتي ]

لأنه فعلاً مسلسل أجتماعي يحكي عن الواقع الشاب الطموح ..

فشكراً لك

[ تحياتي لك أختي بحر العشاق .. وأوعدكم بالمزيد من التشويق والأثارة والكثير من الدراما .. كوني بخير ]

إكرام

01-11-2009, 07:07 PM

دلع

01-16-2009, 12:55 PM

ننتــظر الاجــزاء القادمــة..

تحياتي..

وح ــي الخياال

01-26-2009, 09:38 AM

بسم الله الرحمن الرحيم
قرأت بدايه الأسطر فقط وذكرت نفسي ترى أني ولدت في اليوم السابع من المحرم يعني حرمت امي من البكاء على مصيبه الحسين ولا مرة خطرت على البالي هالفكرة
عموما بما أني من الناس الذين ينسون الأحداث وبما أن القصه غير مكتمله فسأنتظر البقيه و قرأها كامله و أعطي رأيي فيها
تقبل مروري الثقيل على ظلال قلمك الجميل

مرحباً بكـ أخت إكرام ..

هي صورة أحب أن يظهر من زاوية مصيبة الأمام الحسين وربطها بالولادة في شهر محرم الحرام

روايتي في أنتظاركـ ..
وأشكركـ على هذا المرور الجميل .. خفيف الظل

أنحنيـ,,,

وح ــي الخياال

01-26-2009, 09:46 AM

ننتــظر الاجــزاء القادمــة..

تحياتي..

عذراً منكـ أختنا الفاضله .. دلع

تأخرت بسبب ظروف .. أنشاءالله راح أنزل عدد من الحلقات قريباً جداً
بس راح تكون الحلقات فيها قليل من الحزن .. والدراما .. انشاءالله تنال أعجابكم

وتشكراتي لأهتمامكـ ومتابعتكـ ..

أنحنيـ,,,

وح ــي الخياال

02-16-2009, 04:01 PM

بعد بزوغ شمس جديدة ,,
من جديد يصبح لبطلنا في روايه مذكرات شاب طموح أحداث ودراما
نضعها بين يديكم ,,

وعذراً على التأخير في وضعها بين يديكم ,,

1/6

رجع صالح إلى المنزل .. وتوجه مباشرة إلى المطبخ ليسلم على أمه
ويسألها كما هي العادة

- شلونك يمه .. أشتقت لش

- هلا يما صالح

- يمه .. الليله ويش مسويا عشا

- اليوم طبخت لكم .. صينية خضار بالفرن ومكرونيا باللحم ونحط معاه لبنه وقشطة

- أوه .. أكلتي المفضله صينيه الخضار .. بس للأسف تعشيت مع الشباب

- هههه كل مرة تجي تسألني .. وتقولي هالكلام
ترى مافيه أحسن من أكل البيت يما ..

- يمه .. أنا بروح أذاكر لي كم كلمة حق بكرى في الأختبار

- روح الله يوفقك ,, يما صلوح أزعق لخوانك يجون يتعشون

- انشاءالله يمه

توجه صالح لغرفته وما إن دخل ..

- وينكم ؟ .. مافي أحد ..

- أيه شفيك

- بسم الله روعتني .. يالذكي

- من وين جاي .. وبكرى عندك أختبار (محمد)

- أذاكر مع الشباب ..

- يعني ذاكرتو عدل .. في السوالف والشاي والوناسة

- المهم أترك عنك الهذرة .. وروح تعشا ..
خذ معاك قويسم وأحمد في غرفتهم علشان يتعشون

- هذا أنت بس أحد بقولك شي ما يعجبك

- روح زين .. سكر الباب معاك

أغلق الباب وهو يتمتم ويتنهد " هل أخو مادري شلون صاير "

- يما محمد .. وين أخوانك قاسم وأحمد

- يووووه .. نسيت ما زعقت لهم
ألحين أزعق لهم

- يا بنات تعالو العشا جاهز .. علشان تذاكرون ونتو منتبهين للأختبارات

وعلى السفرة في صالة المنزل ..

- يما يما .. أنا ما أبي أكل .. عطيني ربيانه

- شوف قويسم لا توجع قلبي وأجلس أكل أحسن لك

- خليه يولي يمه (زهرة)

- خلاص عطيه روبه يمه .. هو يحب الروب (أحمد)

- جيبها باكلها وأنا أشوف التلفزيون .. قوم شغله لي

- خل أخوك ياكل .. ما عليك منه

- بشغله التلفزيون لا يسوي فوضه في البيت ألحين

- يما زينب ذاكرتي عدل أنتي وخواتش

- أيه يمه .. بس زهرة الي تقعد تلعب وترسم أحياناً

- ماعليش منها ذاكرت .. بس هي تغار مني لأني فنانه

- الحمدلله .. غسلو وتعالو أبيكم

أنتهو من العشاء .. وجلسو ليسترخو قليلاً

- يمه زينب .. ذاكرتي لختش خديجة "صج أنها أكبر منك بس أنتي أشطر منها "

- انشاءالله يمه .. هذا أحنا نذاكر سوى .. بس أهي ماتفهم بسرعة

- شدو حيلكم يما .. مابقى إلا يومين وبعدين تخلصون الأختبارات

- يما .. يما .. اليوم بنام معاش في الغرفه

- قويسم ! مافيه .. روح نام مع أخوك أحمد في غرفتكم

- يما أحمد يذاكر حق المدرسة .. علشان يذاكر عدل

- أني عارفه شتبي من هالكلام .. بس مافيه نوم في غرفتي

- زين عطيني بسكوت أجل .. أو حلاوة

- هههه .. ما أدري أنت على منهو طالع

- أنا أحبش واجد واجد .. بس أحب أبوي أكثر

- لأنه كان يدلعك أكثر من الازم .. ويعطيك الي تبي ها ؟
الله يرحمه كان إذا شافني أخاف ألمسك ونت أصغير أول ما انولدت يقولي
" أهو بس .. أهو ولدي هذا مثل العود .. كل ما يمر عليه الوقت تزيد قيمته "

- يعني أبوي كان يحبني واجد .. أكثر منش يمه

- لا ... لا أنت قطعه مني .. حملتك في بطني تسع شهور

- بس أنتي كله تقولي لي " أنت انولدت ناقص في الشهر الثامن"

- هههه .. قربل الله بليسك .. ثمانه شهور قليله ذي

- يالله يمه .. تصبحي على خير بنروح ننام .. علشان نجلس نراجع بكرى

- ونتو من أهل الخير .. يما أحمد خذ أخوك قسومي معاك خله ينام

- أنزين يمه ..

- روحو الله يوفقكم ياعيال بطني .. ويفتحها في وجيهكم .. يارب

ذهب الجميع .. كلاً إلى مضجعه .. فغداً يوم أخر من الصعاب والمرارة
أما قاسم فكانت الأبتسامه لا تزول عن خديه على أخوانه

:
:

يتبع ..

وح ــي الخياال

02-16-2009, 05:23 PM

:
:
- يالله .. جلسو علشان تراجعون للأختبار

- أنزين يمه .. ربع ساعة وبقوم (زينب)

- أحمد .. قسوم يما جلسو

- ها يما .. أنا ما عندي مدرسه .. ذاك أحمد الي عنده أختبار .. جلسيه

- قسوم أجلس علشان تشتري خبز حق الفطور .. أخوانك عليهم أختبارات

- ألحيم بروح

- يما وين شريطتي ما أشوفها (زهرة)

- مادري عنها يما دوريها في غرفتكم

- تعالي أعطيش شريطة جديدة .. علشان ما تتأخرين

- يما هذا جبت الخبز .. أنا بروح أنام

- شعقبه .. أخوانك راحو مدارسهم وهم جايعين

- راعي الخبز ما جابه إلا متأخر

- خلاص تعال أفطر أنا وأختك إيمان

- مابي فطور .. باكل زيتون بس

- يضرك الزيتون على الريج .. خذ أشرب الحليب أول

- خلاص أجل بروح أنام .. مابي شي

- تعال .. تعال .. والله تعبتني معاك
بس يجي أخوك صالح بخليه يتصرف معاك

- لا .. لا .. خلاص بفطر معاكم لا تقولين له بعدين يضربني

أكل قاسم وأخته إيمان مع أمهم وبعد الأنتهاء
سلم قاسم رأسه على رجلين أمه لينام مستعجلاً

1/7

- يما قاسم أجلس .. قوم نام في غرفتك

- خليني نايم يما .. مرتاح

- أجلس .. مرتاح !! ما أقدر أشيلك ورقيك غرفتك
أجلس يما قاسم .. نام في سرسرك أريحلك

- يالله هذا أنا قمت وين سريري ..

- شفيك .. نسيت مكان غرفتك وسريرك

- لا .. أمزح معاش يما أنا ما نمت .. هههه

- حسبي الله عليك من ولد .. ماتجوز من هالحركات

- بروح أنام في غرفتي

رجع الجميع من مدارسهم بعد عناء الأختبار .. والبسمه تعلو شفتيهم
فلم يتبقى إلا يوم غداً من عمر الأختبارات .. والتعب أرهقهم

- هلا يما .. شلونك (بناتها)

- الحمدلله .. يمه بدلو علشان تتغدون

- لا يما مانبي .. بنصلي وبنام

- طيب منذا الي بياكل الغدا .. أخوانكم مايبون وأنتو ماتبون

- حطيه في الثلاجه يما .. وبعدين ناكله

- قسومي .. ماحد جلس من العيال

- لا يما ماحد جلس .. مافيه إلا أنا وإيمان جالسين

- روح جلسهم حبيبي قسومي .. قولهم أستوى المغرب .. خل يجلسون للصلاة

- انشاءالله يمه

- هلا يمه .. حطي لي أكل .. جايع (صالح)

- انشاءالله يما .. ثواني ويصير الأكل جاهز

- ببدل ملابسي على مايستوي

- يمه .. تحملو مابقى إلا بكرى وبعدين ترتاحون
والي ينجح ويجيب ممتاز يختار الهديه الي يبقاها

- يما .. أنا خلصت ذاكرت (خديجة)

- أيه خلصتيها .. أصلاً أنتي مابفالحه في الدراسة
كم سنه وأنتي ترسبي في أبتدائي

- يمه .. لاتنسي أبوي توه متوفي .. وأحنا مالنا خلق نذاكر

- أيه فالحه بس في الخراب .. وتشجعي أخوانك علشان مايذاكرون

- خلاص أنا بروح غرفتي

أنتهى الجميع من المذاكرة لأخر مادة في السنه ..
وبعدها أنتهو من تعب الأختبارات مع أخر مادة .. في أنتظار حصاد المجهود الطويل

- ها يما أحمد ما طلعت نتيجتك

- لا يما .. يقولون ما طلعت

- بس أخوانك كلهم أطلعت نتايجهم .. ليكون مخبي شي علينا

- قلت لش ما طلعت النتيجة

- محمد روح شوف نتيجة أخوك أحمد ليش ما طلعوها للحين

- أطلعت النتيجة من زمان

- وليش ساكت .. وشعلام هو ساكت يقول ما طلعت

- لأنه .. لأنه رسب في مادتين

برجع بعد شوي أكمل الكتابه .. لأني بقوم أصلي وبرتاح تعب من الكتابه