أسرار الفوتوشوب.. اطلبها الآن

[ريحانة]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
تحية رمضانية مباركة على الجميع

فكرت أحط شي مفيد ومميز في هذا القسم بمناسبة شهر رمضان ..

بالنهاية توصلت الى هالفكرة ..

أي أحد من الأعضاء شاف حركة بتصميم معين في أي مكان وعجبته هالحركة وحاب يتعلمها بس يحط لنا التصميم هني وراح نعلمها إياه وطبعا المساعدة والتعاون مطلوب من الجميع :)

لتوضيح الفكرة بالصور (وعشان دعاية لتصميمي خخ ) :
قبل 24 ساعة حطيت لي تصميم بالقسم هذا هو

http://www.at202.com/upload/images/amwaj21_8_2009_05_28_16_PM.jpg

شافه أحد الاعضاء وعجبته حركة الشعاع الموجود خلف المخطوطة(مبارك عليكم الشهر) بس يجي يسألني هني شلون عملتي الشعاع وأشرح له الطريقة بالصور ..

أكيد وصلت الفكرة

وبانتظار استفساراتكم طوال شهر رمضان المبارك

اختكم ريحانة

[تهاويل]

حركااااااااات
فكره راااائعه جداً
وتسلم الايادي الرائعه خيتو ريحانه .. وتسلمي على المساعده
طيب الحين انتي اثرتي سؤال مهم
شلون تسوي الشعاع؟ ;)
علمينا .. حركته حلوه هو
محلي الصوره

[ريحانة]

أهلين وسهلين بأول المطلين تهاويل

الشعاع حلو وسهل

نفتح الصورة الي نبيها
و نفتح لير جديد
اضغط حرف D ثم X من الكيبورد (هالحركة تخلي اللون الامامي ابيض والخلفي اسود بصندوق الالوان الي في الادوات)
نختار أداة التدرج من اللون الأبيض إلى الشفاف
http://www.at202.com/upload/images/amwaj22_8_2009_06_34_06_PM.jpg
ونسحب التدرج من الأعلى إلى الأسفل مع الضغط على زر shift بنفس الوقت عشان يصير التدرج مستقيم
نذهب إلى فلتر :
Filter > distort > wave بهذه الإعدادات (بس مو شرط الالتزام بنفس الاعدادات) :

http://www.at202.com/upload/images/amwaj22_8_2009_06_21_38_PM.jpg

نذهب إلى قائمة :
Filter > Distort > Polar coordinates

ونختار الخيار الاول فيها

وبس راح تلاحظ تكون الشعاع لديك :)

..*.*.*.*.*.*.*.*.*.*.*.*.*.*.*..

لو حبيت تلون الشعاع بعدة الوان بدل الابيض تقدر تروح الى Gradient overlay من الافكت الموجودة اسفل صندوق الليرات:

http://www.at202.com/upload/images/amwaj22_8_2009_06_30_05_PM.jpg

اختر منها التدرج الي تبيه

انتهى .. بس لازم نشوف التطبيق منك :)

وأي سؤال حاضرين

تحياتي

[أمواج]

يسلموووو ريحانه
حركات رائعه
والله يعينك على كثرة طلباتنا
اني عن نفسي فيه اشياء واجد ابي اعرف كيف اسويها بالفوتوشوب

تحياتي
أمواج

[تهاويل]

ياسلام شكلها حركات
خلاص ما عليه بشوف لي حاجه اطبق عليها وبوريك
يمكن يطلع احلى من الي فوق :p

تسلمي على الحركات الحلوه ريحانه

[imported_نسمة العطر الحزين]

عن جد موضوع روعه تشكري عليه اختي العزيزة
عن نفسي خرطي في الفوتو هالحركة توني اعرفها خخ
ان شاء الله نستفيد من خبرتش ومهارتش عيوني
من خلال هالموضوع




مشكورة عيوني ع آلطرح آلحلو
وآلله يعطيش آلعآفية
وبآلتوفيق

[ريحانة]

هلا وغلا مديرتنا أمواج
الله يسلمك وبالعكس تعبكم راحة مثل مايقولوا
ويالله استغلي الفرصة وحطي طلباتش ترى الحياء قطاع رزق ,, بديت أفهي
بانتظارك

هلا وغلا بتهاويل
إي يالله خلينا نشوف تطبيقك , ولاتصير كسلان لاأنقص من راتبك خخخ

هلا وغلا بنسووومة
شرفتي ونورتي الموضوع حبيبتي
وإن شاء الله نفيد ونستفيد من بعضنا البعض

اختكم ريحانة

[ξЗsặr]

يسلموو

بس انا سمعت من نسيبي

نقدر نحط صوت في الصوره

بي برنامج الفوتوشب

[ريحانة]

هلا وغلا اعصار
اي قرأت طريقة لوضع صوت بالصورة بس عن نفسي ماجربتها
بس ملاحظة مهمة انك ماراح تحفظ الصورة بعدين كصورة وانما راح تحفظ العمل بصيغة pdf
اذا حبيت الطريقة راح ادرجها لك
تحياتي الريحانية

[ريحانة]

أرجع أفتح هالموضوع طوال شهر رمضان الحالي

يالله حبايبي الي يبي أي سؤال او حركة يبي يتعلمها بس يحطها هني وراح نساعده بكل مانستطيع

تحيااتي

[قلب طفله]

تسلمي ريحانه
والله يعينك على طلباتنا
اني اول حركه ابغى اتعلمها
كيف نضيف المنحنيات
راح يفيدنا في صنع هيدرات
اني اعرف اسوي المنحنيات قبل لا اضيف الصور
وبالتالي لازم امسح الجزء الزايد بالمساحه
وهذا الشي يجعله غير مرتب الشكل
ابغى اسوي الانحناءات بعد ما اضيف الصور
ان شاء الله فهمتي عليي خيتو

[ريحانة]

من عيوني قلب طفلة ..
ان شاء الله باجر اجهز لش الدرس :)

[قلب طفله]

تسلم عيونش خيتو
ماتقصري

[ريحانة]

بالنسبة لسؤالك قلب طفلة فهنا الحل:

اذا كان عندك التحديد موجود :

http://www.at202.com/up/image-1884_4C6A87B8.gif (http://www.at202.com/up/share-1884_4C6A87B8.html)

روحي لصندوق الليرات :

http://www.at202.com/up/image-9C36_4C6A87B8.gif (http://www.at202.com/up/share-9C36_4C6A87B8.html)

http://www.at202.com/up/image-4855_4C6A87B8.gif (http://www.at202.com/up/share-4855_4C6A87B8.html)

بمجرد الضغط عليه راح ينلغي التحديد ويتكون عندك ماسك يخفي اي جزء خارج التحديد

جربي ضيفي اي صورة واعملي اي شيء راح تلاحظيهم مايظهرون الا مكان المنحنى المحدد سابقا :212608816:

اما اذا كان عندك الشكل المحدد وماعندك التحديد حقه ظاهر فاظهريه بهذي الطريقة :

خليك مفعلة لير المنحى (يعني تكوني واقفة عليه)

واضغطي زر ctrl من الكيبورد وخليك ضاغطة عليه واضغطي مرة وحدة بزر الماوس الايسر على مكان المؤشر الاخضر بالصورة :

http://www.at202.com/up/image-1558_4C6A87B8.gif (http://www.at202.com/up/share-1558_4C6A87B8.html)


راح يظهر التحديد واعملي نفس الخطوات السابقة باضافة مجلد وبعدين ماسك

جربي وبشريني بالنتيجة :AddEmoticons0081:

[قلب طفله]

يسلمو ريحونه
بجرب وبشووف اذا ضبظ معي لو لااا
اذا ماضبظ اشرحي ليي مره ثانيه خخخخخ

[قلب طفله]

جربتها ماضبظت ويايي
يمكن لان تختلف طريقة التحديد للمنحنى
انتي كيف تحددي المنحنى

[ريحانة]

عزيزتي قلب طفلة ..

بأي طريقة ترسمي المنحنى مو مشكلة ..

اكيد اذا رسمتيه بيكون على لير لحاله صح ؟

خليك مفعلة هذا اللير للمنحى (يعني تكوني واقفة عليه في صندوق الليرات)

اضغطي زر ctrl من الكيبورد وخليك ضاغطة عليه واضغطي مرة وحدة بزر الماوس الايسر على مكان المؤشر الاخضر بالصورة :

http://www.at202.com/up/image-1558_4C6A87B8.gif (http://www.at202.com/up/share-1558_4C6A87B8.html)


راح يظهر التحديد , ضيفي مجلد وبعدين ماسك

جربي مرة أخرى وأنتظرك

[همس المشاعر]

فكرة حلوة ريحانة

يعطيك الصحة و العافية

تحياتي
همس المشاعر