هلكني الصبر بغيابك

[{ عًوإصٌفــ آلْشُوقَ }]

هلكني الصبر بغيابك طواني عالـم النسيـان

جفتني دنيتي بعدك تعـال وشـوف مأساتـي

تعال وشوف بغيابك سكني موطـن الحرمـان

قتلني للاسف حبـك تركنـي بعـز صدماتـي

هدم كل الامل فيني خسـاره بالوفـا ماصـان

تعال ارجع وشوف الحال كيف اشلون حسراتي

ابيك اتشوف من بعدي حياتي كيف كسرها بان

ابيك اتشوف كيف الهم حطـم كـل حالاتـي

يانور العين ياروحي ترى لشوفك انا ظميـان

انا محتاجلك ترجع تجيني وتجمـع اشتاتـي

صحيح انك نسيت اللي مضا مابيننا وماكـان

نسيت الحب يالغالي ونسيت اجمل حكاياتـي

ورب الكون يا اعذب يا اجمل ماخلق انسـان

انا مالـي احـد غيـرك ينسينـي معاناتـي

وغلاتك ماسكن غيرك صميم القلب والوجدان

يا اغلى من الغلا نفسه ياروحـي يابداياتـي

انا العاشق انا الصادق انا الهايم انا الولهـان

انا اللي لجل بسماتك هجرت افراح بسماتـي

انا اللي عشت من اجلك حياتي كلها سهـران

شريت الفرح لايامـك ثمنهـا كـان دمعاتـي

انا احيان اشوف الموت بغيابك واشوف احيان

ظلام الكون يرسملي علـى كيفـه نهاياتـي

دخيلك لاتخلينـي اعيـش بعالمـي خسـران

دخيلك يانظر عينـي تلطـف فـي متاهاتـي

لاني لازم ابصـدك احـاول احفـظ الكتمـان

اخاف احكي من اجراحي تطيب اجراح شماتي

كفاني من العنا ماجا كفاني لوعـة وهجـران

تعبت من الزمن ابحث ابـي حـل لعذاباتـي





تحياتي

عواصف الشوق



<< ملطوش >>

[يكفيني وجودك]

ما أحلى هذه الكلمات بين السطور



وما أروع هذه المعاني بين الكلمات



وما ألطف هذه المشاعر بمعانيها



أشكركِ أختي عواصف الشوق




سلمت أناملكِ على ما كتبتي



تقبلي تحياتي وشكري

موفقه

[{ عًوإصٌفــ آلْشُوقَ }]

العفوو اخووي

والله يسلمك ويعافيك

والاحلى وجودك في صفحتي المتواضعه

شاكره لك تواجد


نورت

[وح ــي الخياال]

سلااام ..

أختيار متميز .. لقصيدة رائعة
{ عًوإصٌفــ آلْشُوقَ }
ذوق جميل في أختيار الكلمات ..
تحياتي أخيه

وح ــي الخياال ..

[عاشقة المطر]

وش اقوووووووووووووووووول

بعد هالقصيده اعجز اقول شي

بصراحه ابدعتي عواصف حين نقلتي أحسنتي


يعطيك الف الف عافيــــــــــه



عجبتنـــــــي كثير


كلمات رائعه وشعور جميل


تحياتي لك


~ عاشقة المطــر~

[((نزف ^^ المشاعر))]

واااااااو
حلو هاللطش الجميل خخخخ
لا بصراحه احسنتي الاختيار والنقل ..
ربما يكون النقل يعبر عن نفس الاحساس ونفس المشاعر..
كل الشكر لك أختي .. عواصف الشوق ..
دمتي بألف خير ..
أختك / نزف المشاعر..

[{ عًوإصٌفــ آلْشُوقَ }]

الله يسلمكم ويعافيكم


ومشكورين ع المرور الرائع


نورتوا الموضوع بــ هالطله

[الهاشمي]

تعبت وادور في الحلول حل للعذاب
فأين الحل في مااحسه من اهاتي
تعبت ولم اجد حل يكون لي شافي
يمين يسار لا هناك اي حل كافي


قلم رائع وأفكار متناغمه فيما بينها
ترسم بعبير الندى لوحة جماليه
التعبير بأستخدام ادوات مختلفه في التنقل من شطر الى خاطر جميل جدا
وان دل على شي يدل على روعة القلم المتميز

تقبلوا تحياتي

الهاشمي