هل يحق للأخ أن يتدخل في حياه أخته والأب موجود؟؟؟

[دلوعه ويحق لي]

السلام عليكم ورحمة الله وبركاته

حبيت ان اضع بين ناظريكم موضوع في بالغ الاهمية ويكثر في المجتمعات الخليجية...




هذا واحد من الشباب ظهرت أخته لعيد ميلاد صديقتها مع

مجموعه من صاحباتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السوالف ما رجعت إلا الساعه 11 وهناك بالبيت استلمها

أخوها بالضرب والرفس والطراقات .. تخدرت من التكفيخ ورقدت بعدها من كثر ما كفخها

بالمستشفى ؟؟! .. ومع هذا ما ندم بالعكس قال أحسن ..

عشان تعرف إن بالبيت رجال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات فسدت أخلاقهم ....

وصعب علينا نصلحهم بدون شده وعنف ..؟!!))
:a70:



- ايش تعليقكم على ماسبق ؟

1- هل صحيح قول (( اكسر للبنت ضلع يطلع لها 24 ضلع )) ؟؟

2- هل صحيح إن الولد غير البنت في الخطأ ؟؟

3- هل صحيح إن لايحق للأخ يتدخل في أخته إذا كان الأب موجود ؟؟

4- هل صحيح ان التفاهم او التعامل بالعنف مع البنت اسلوب للتأديب ؟؟

انتظر ردووكم .. وبكل وضووح وواقعية



ودااااااااادي...

[طيف الأمل]

1- هل صحيح قول (( اكسر للبنت ضلع يطلع لها 24 ضلع )) ؟؟

لا طبعاً مو لأني بنت بس هذا كلام ناس متخلفة و تجهل الكثير في أمور التربية

2- هل صحيح إن الولد غير البنت في الخطأ ؟؟

اني ضد هذي المقولة الخطأ خطأ سواء من البنت أو الولد و اثنينهم مذنبين و اني عارفة ان المجتمع عكس هذا الكلام فـــ مقولتك صحيحة عند الأكثرية

3- هل صحيح إن لايحق للأخ يتدخل في أخته إذا كان الأب موجود ؟؟

طبعاً طبعاً لا اجل وين دور الأب ؟؟؟


اني أرفض رفض تام تتدخل أخوي بأي أمر يخصني

يمكن إليه حق التتدخل بس اذا كنت محتاجة شي يروح يجيبه لي خخخ يعني وقت الحاجة بس أمور ثانية طلعة و لا لبس و لا و لا و لا فـــ لا الأب دوره مهم هو أهم من الأخ

و من رأي ان الأهل المفروض ترفض تتدخل الأخ في أخته في وجود الأب و الأم

4- هل صحيح ان التفاهم او التعامل بالعنف مع البنت اسلوب للتأديب ؟؟

طبعاً لا العنف مرفوض رفض تام سواء مع البنت أو الولد

هذا كلام ناس ما تعلمت و متخلفة صراحة

وين احنا ووين صرنا انتهى زمن العبودية و الى الحين نتكلم بشي اسمه عنف؟!!!!!!!!

الواحد يفضل يربي أولاده أحسن تربية لكي يكونوا ناجحون و واثقون من أنفسهم

العنف ما هو الا طريقة فاشلة جداً لرؤية مجتمع جاهل


دلوعة مشكورة حبيبتي على الموضوع الحلووو

ربي يعطيك العافية

ان شاء الله اقدرت أوصل الفكرة

تحياتي لك

أختك
مزاجية

[أول دمعة]

في رأيي الشخصي إذا كانت الأسرة فعلا متآلفه وكلهم بقلب واحد لا يصدر منهم العنف

لأن رسول الله صلى الله عليه واله اوصانا بالضعيفين الطفل والنساء

والرجل الذي يضرب اخته او زوجته فعلمي هذا الرجل ضعيف نفسيا خارج البيت فيأتي الى البيت حتى يكون قويا

يعوض الضعف الخارجي بالقوة الداخلية ، فقوته كلها يخرجها امام الضعيفين ام المرأة او الطفل



أم قولك هل يحق للولد ان يتدخل بأمور اخته الشخصية والأب موجود ،، هذا الأمر عادي بالنسبة لي بس بحدود
لأن الأخ الذي يحب أخته فهو فعلا راح يخاف عليها من كل سوء

مشكورة دلوعة

[ابومهدي]

ايش تعليقكم على ماسبق ؟
والله اخوها ما عجبني عالطول ضربها
من المفروض انه يسأله قبل الرفس و الضرب لا ينفع
في التربية و لا اعطاء الاوامر
1- هل صحيح قول (( اكسر للبنت ضلع يطلع لها 24 ضلع )) ؟؟
أنا اول مره اسمع به
2- هل صحيح إن الولد غير البنت في الخطأ ؟؟
من قال ان الولد غيرالبنت و هم نفس الشيء
3- هل صحيح إن لايحق للأخ يتدخل في أخته إذا كان الأب موجود ؟؟
يحق له لانه اخوها ويحبها و يخاف عليها لكن هناك حدود
ان التفاهم او التعامل بالعنف مع البنت اسلوب للتأديب ؟؟
البنات عاطفين و يمكنه يكسبها بالتعامل معها بالحنان و الحب..

أخت / دلوعه و يحق لي
اشكركِ على الطرح الموضوع
الله يعطيكِـ العافيهـ
نتظر جديدكِـ
تقبلي مروري .. أبومهدي

[ღ شـ ج ـون فـاطـمـة ღ]

وانا ايضا برأي انه شي عادي
هو اخوها ويخاف عليها بس تصرف هالشخص خطأ
كان المفروض يتعامل معاها بهداوة يسألها ليش مو سيدا طق
والبنات مايجون بالمعاملة القاسية بالعكس يعندون اكثر
مشكورة اختي دلوعة ع الموضوع
الله يعطيج العافية
تحياتي ..

[فـــاتــــنـــة]

- ايش تعليقكم على ماسبق ؟
بصراحه شي فضيع معقوله في احد يتصرف مثل هاالتصرف هاالأيام هذا اسمه عنف مو تأديب.
1- هل صحيح قول (( اكسر للبنت ضلع يطلع لها 24 ضلع )) ؟؟
لكل فعل ردة فعل واحيانا تكون عكسيه يعني كسرت له ضلع عشان تأدبها بلعكس انت انبت ليها اضلاع ثانيه لأن البنت ماتبي احد يصير عنيف معاها بلعكس لن تلقى الا التمــــــرد.
2- هل صحيح إن الولد غير البنت في الخطأ ؟؟
اكيييييييد اني بنت واقول غير لان الولد مااحد بيحاسبه وغلطه منسي بس البنت غلطها لين قبرها.
3- هل صحيح إن لايحق للأخ يتدخل في أخته إذا كان الأب موجود ؟؟
اذا كان الأب موجود وقايم بدوره باحسن وجه وعاطي بنته التربيه الصح والبنت ماينخاف عليها مااعتقد في هاالحاله الاخ له حق يتدخل بغرض السيطره وفرض الراي بس وش الفايده اذا الاب موجود ومايدري عن بناته ولاهي والبنت على وشك الانحراف في هاالحاله اكييييييد الاخ له حق التدخل .
4- هل صحيح ان التفاهم او التعامل بالعنف مع البنت اسلوب للتأديب ؟؟
لا طبعا هذا اسلوب للتمرد بس البنت ماراح تتادب من العنف بلعكس راح تزيد لان راح ينبت داخلها حب الانتقام وسووووالف الله يبعدنا عنها........

تسسسسسسسسسلمين دلوع على الطرح الحلو
يعطيك العافيه...
فــــاتـــــنـــة

[][ روح المشاعر ][]

- ايش تعليقكم على ماسبق ؟
اكيد تصرف خاطئ والمفروض مايسوي كذا المفروض ياخذها بسياسه مو بضرب
1- هل صحيح قول (( اكسر للبنت ضلع يطلع لها 24 ضلع )) ؟؟
لا مو صحيح ها المقوله لان الضرب يولد الاشياء احنا بغنى عنها
2- هل صحيح إن الولد غير البنت في الخطأ ؟؟
لا مو صحيح لان خطأ خطأ بس خطأ الولد يمكن ينتسى لاكان خطأ بنت يكون معاها حتى لو ماتت
3- هل صحيح إن لايحق للأخ يتدخل في أخته إذا كان الأب موجود ؟؟
لا مو صحيح با العكس اني احب أخوي يتدخل في كل شيء يخصني بس طبعا بحدود حتى احيانا اني اروح واستشيره في كل شيء يخصني
4- هل صحيح ان التفاهم او التعامل بالعنف مع البنت اسلوب للتأديب ؟؟
لا موصحيح لان التصرف العنف اسلوب خطأ

لان كثر العنف على البنت يأثر على نفسيتها

يـ ع ـطيكـٍ الله الـ ع ـافيهـ على الطرح الموضوع

[هدوء انثى]

ايش تعليقكم على ماسبق ؟

أسلوب متهور و لابد من التحظر وتعلم كيفية التعامل مع الآخرين بمختلف الأعمار.

1- هل صحيح قول (( اكسر للبنت ضلع يطلع لها 24 ضلع )) ؟؟
أول مره أني اسمع فيها أتوقع مو صحيح

2- هل صحيح إن الولد غير البنت في الخطأ ؟؟

بالمجتمع العربي والخليجي بالذات نعم .

3- هل صحيح إن لايحق للأخ يتدخل في أخته إذا كان الأب موجود ؟؟

لامو صحيح يجب أن يكون له دور ويتقرب لأخته وينصحها واذا لزم الامر ممكن يتفاهم معاها بس ما يتدخل في شؤونها أكثر من الازم.

4- هل صحيح ان التفاهم او التعامل بالعنف مع البنت اسلوب للتأديب ؟؟

كلا لأن الضرب المبرح لتعليم الحيوانات وليس للبشر ولكن يمكن أستخدام أسلوب الضرب الغير مبرح وترى الضرب وسيله من وسائل التأديب مثل ما قال عليه السلام : ((علموهم لسبع واضربوهم لعشر )).